14:25 / 22.03.2018
14006
Кенияга қарши учрашув учун бепул тарқатилиши керак бўлган чипталар 40 минг сўмгача сотилмоқда
«Соғлом авлод» стадиони/Фото: FC Andijon

Ўзбекистон U-23 терма жамоасининг Кения олимпия терма жамоасига қарши ўртоқлик учрашуви учун чиқарилган чипталар чайқовчилар қўлида пулланмоқда.

Tribuna.Uz манбаси берган хабарга кўра, Андижондаги «Соғлом авлод» стадионида бўлиб ўтадиган учрашувга кириш аслида бепул қилиб қўйилганди. Унга кўра, исталган мухлис учун чипталар тарқатилиши лозим эди. Аммо олинган маълумотларга кўра, айни вақтда стадион атрофида чипталар турли чайқовчилар томонидан 40 минг сўмгача бўлган нархларда сотилмоқда.

«Чипталар текин бўлади дейишганди. Келсак, ҳеч қандай текин чипталар йўқ. Фақат қўлда 40 минг сўмдан сотишяпти. Бунақа текин чиптадан кўра, арзонроқ нархда кассага чиқаришганда ҳозир сотиб олиб, эртанги ўйинни кутиб ўтирган бўлардик. Энди эса текин дейилган чипталарни кўз олдимизда 40 минг сўмга таклиф қилишмоқда», деган андижонлик мухлис.

Эслатиб ўтамиз, Ўзбекистон ва Кениянинг 23 ёшгача бўлган футболчилари ўртасидаги биринчи ўртоқлик учрашуви эртага Андижонда бўлиб ўтиши режалаштирилганди.

Top