Sarkoziga ayblov qo‘yildi

Fransiya sobiq prezidenti Nikolya Sarkoziga xorijdan prezidentlik kampaniyasining noqonuniy moliyalashtirilishi bo‘yicha ayblov qo‘yildi. U sud nazorati ostida qolmoqda. Bu haqda Monde gazetasi yozmoqda.

Bundan tashqari, u passiv korrupsiyani boshqarish va “Liviya davlat mablag‘larini yashirishda” ayblanmoqda.

BFMTV telekanali ma'lumotiga ko‘ra, siyosatchi bu ayblovlarni butunlay rad etishi haqida ma'lum qildi.

Eslatib o‘tamiz, avvalroq Fransiyada mamlakat sobiq prezidenti Nikolya Sarkozi qo‘lga olingani xabar berilgandi. Bu uning 2007 yildagi saylov kampaniyasini moliyalashtirish bo‘yicha qo‘zg‘atilgan ish doirasida sodir bo‘ldi.