Fransiyada bir haftadan buyon maktab oʻquvchilari ommaviy norozilik namoyishlari uyushtirmoqda. Namoyishlar Parij tashqarisidagi Il-de-Fransda boshlangandi, ammo tezda butun mamlakat boʻylab tarqaldi. Litseylar (Fransiya taʼlim tizimida katta sinf oʻquvchilari oʻqiydigan maktablar) oʻquvchilari sinfxonalar toʻlib toshgani, oʻqituvchilar yetishmayotgani, oʻquv binolari yomon holatdaligi va dars jadvali juda tigʻiz tuzilganidan eʼtiroz bildirishmoqda. Ichki ishlar vazirligi maʼlumotiga koʻra, 29-sentabrga kelib butun Fransiya boʻylab 400 dan ortiq namoyishchilar qoʻlga olingan, ularning aksari voyaga yetmagan oʻsmirlardir. Taʼlim vazirligi norozilik aksiyalari mamlakatdagi 3700 ga yaqin maktabdan bir necha yuztasini qamrab olganini maʼlum qilgan. Ayrim yirik shaharlarda norozilik aksiyalari maktab oʻquvchilarining politsiyachilar bilan toʻqnashuvlariga aylangan. Ayrim holatlarda namoyishchilar yonuvchi aralashma solingan shishalardan foydalangan va politsiyachilarni toshboʻron qilgan. Bunga javoban politsiyachilar koʻzdan yosh sizdiruvchi gaz qoʻllagan. «Meduza» Fransiyaning turli shaharlaridagi maktab oʻquvchilarining namoyishlari vaqtida olingan fotosuratlarni eʼlon qildi.
