Foto: RIA Novosti
Ukraina poytaxti Kiyev shahri meri Vitaliy Klichkoning ma'lum qilishicha, mamlakatda 2019 yilda bo‘lib o‘tadigan prezidentlik saylovlarida ishtirok etish haqida o‘ylamoqda. Bu haqda «Ukrinform» xabar berdi.
«Sizlar kelasi yildagi prezidentlik saylovlari haqida gapirmoqdasiz... Men bu haqda o‘ylayapman. Biroq men Kiyev shahri aholisiga va'da qilgan barcha narsamni oxirigacha yetkazishni istayman», - deya aytib o‘tdi Klichko Berlindagi «Ukraina: inqiroz asirida?» yalpi muhokamasida.
Kiyev merining ta'kidlashicha, o‘zining siyosiy xohish-istaklari asosiy ish joyidagi faoliyatiga zarar yetkazishini xohlamaydi.
«Mening hayotimda bir prinsip bor: men va'da qilganimni bajarishim va uni oxirigacha yetkazishim kerak», - deya qayd etib o‘tdi Klichko.
