Tramp Meksika bilan chegarani qo‘riqlashni AQSh Milliy gvardiyasiga topshirmoqchi

AQSh prezidenti Donald Trampning Meksikadan noqonuniy muhojirlikning oldini olish bo‘yicha dasturi Amerika armiyasi kuchlarini safarbar etishni nazarda tutadi. Bu haqda Reuters Oq uy bayonotiga asosan xabar bermoqda.

Tramp bu haqda Oq uyda ma'lum qilgan. Unda, xususan, AQSh mudofaa vaziri Jyeyms Mettis ham ishtirok etgan. Prezident chegarani qo‘riqlash uchun Qo‘shma Shtatlar Milliy gvardiyasini safarbar etish haqida buyruq berdi.

Eslatib o‘tamiz, avvalroq Donald Tramp Meksika bilan chegarani qo‘riqlashga harbiylarni jalb qilishini aytgandi. “Chegaramizni harbiylarimiz ishtirokida qo‘riqlaymiz. Bu oldinga katta qadamdir”, deb aytgan Tramp jurnalistlarga. Biroq Tramp bu qanday qilib amalga oshirilishiga oydinlik kiritmagandi.