«O‘zbekiston temir yo‘llari» AJ boshqaruv raisi birinchi o‘rinbosari Akbar Shukurov Jizzax shahrining yangi hokimi etib tayinlandi. Bu haqda «Sangzor.Uz» manbasi xabar bergan.
Bu lavozimda 2017 yil aprel oyidan buyon Jizzax viloyat hokimining sobiq o‘rinbosari Akrom Bahriddinovich Rahmonqulov ishlab kelayotgandi.
Akbar Shukurov 2011—2017 yillarda Samarqand shahri hokimi bo‘lgan, 2017 yilning fevral oyidan beri «O‘zbekiston temir yo‘llari» AJ boshqaruv raisi birinchi o‘rinbosari lavozimida faoliyat yurita boshlagandi.
3 aprel kuni Fazliddin Fathullayevich Sagdullayev «O‘zbekiston temir yo‘llari» aksiyadorlik jamiyati boshqaruvi raisining birinchi o‘rinbosari etib tayinlandi.
