Myunxen afsonasi. Barchasi 30 yil muqaddam boshlangan edi...

Futbol tarixi afsonaviy murabbiylarga boy. Ular qaysidir jamoa misolida o‘z afsonalarini paydo qilishgan. Ana shunday murabbiylardan biri - Yupp Xaynkesdir.

Yupp Xaynkes «Bavariya» klubiga to‘rt bor bosh murabbiy etib tayinlangan: ilk marta 1987-1991 yillarda; 2009 yilda bosh murabbiy vazifasini vaqtincha bajaruvchi; 2011-2013 yillarda va 2017 yilning kuzidan hozirga qadar.

Yupp jamoa bilan bu vaqt ichida to‘rt bor: 1988/89; 1989/90, 2012/13 va 2017/18 yilgi mavsumlarda Bundesliga g‘olibi bo‘lgan.

1989 yil. U «Bavariya» murabbiy etib tayinlangach, 2 yil o‘tib birinchi titulni qo‘lga kiritdi. 

1990 yil. Keyingi mavsumda Xaynkes va uning «Bavariya»si o‘z maqomini saqlab qoldi. Murabbiy tantanalar vaqtida Yevrokubokni ham olishini va'da berdi, ammo so‘zining ustidan chiqa olmadi. Musobaqaning yarim finalida «Bavariya» «Tsrvena Zvezda» jamoasiga yengildi, Yupp esa Bilbaoning «Atletik» jamoasiga yo‘l oldi. 

2013 yil. Bu juda yorqin mavsum bo‘lgan edi. «Bavariya» treblga erishgan ilk nemis jamoasiga aylandi (bundesliga, Germaniya kubogi va Chempionlar Ligasi g‘olibi). Barcha har ehtimolga qarshi Yuppning ketishi va Gvardiolaning tayinlanishini bilar edi. Yupp iste'foga chiqqach, murabbiylik faoliyatini yakunlaganini e'lon qildi. 

2018 yil. Shunday bo‘lsada u qaytdi. Anchelotti davrida inqiroz ko‘chasiga kirib qolgan «Bavariya»ni qo‘llab-quvvatlash maqsadida murabbiylik faoliyatini tikladi.

«Bavariya»ning oltinchi bor ketma-ket chempion bo‘lishi yoniga yana bir jimjimador statistika qo‘shildi: Xaynkes Chempionlar Ligasida qatorasiga 12 o‘yinda g‘alabaga erishgan murabbiy (futbol tarixida hech bir murabbiy bunday natija qayd etmagan) sifatida tarixga kirdi.