Fransiyada Mirage 2000 qiruvchi samolyoti zavod ustiga tasodifan bomba tashlab yubordi. Bu haqda France Bleu xabar bermoqda.
Voqea 10 aprelda Luara departamentida yuz bergan. Fransiya harbiy-havo kuchlarining ikkita samolyoti Nojan-syur-Vernisson aholi punkti ustidan uchib o‘tayotganda ulardan biri aviabombani yo‘qotib qo‘ygan. Bomba Faurecia kompaniyasi zavodi ustiga tushgan. Buning oqibatida 2 kishi jarohat olgan.
“Avval ikkita qiruvchi samolyot uchib o‘tdi va biz zarba ovozini eshitdik. Ovoz yetarlicha baland edi”, deb aytgan guvohlardan biri.
Fransiya harbiy-havo kuchlari vakili, polkovnik Olive Seloning aytishicha, zavodga tushgan bomba o‘quv bombasi bo‘lgan va portlovchi moddalarga ega bo‘lmagan. Bomba Reysm yaqinidagi poligonga tashlanishi kerak bo‘lgan.
Ta'kidlanishicha, voqea tergov qilinmoqda.
