Yaponiya bosh vaziri Sindzo Abening Isroil bosh vaziri Benyamin Netanyaxu qarorgohidagi tantanali qabuli Netanyaxuning shaxsiy oshpazi sababli xijolatbozlik bilan tugadi.
Oshpaz Moshe Segev mehmonlarga oddiy idish o‘rniga tufli ichiga joylashtirilgan o‘ziga xos shirinlik tortiq qilgan. Biroq yapon delegatsiyasi va Yaponiyada ishlagan Isroil diplomatik korpusi vakillari ko‘rinishicha yapon madaniyati bilan yaxshi tanish bo‘lmagan oshpazning bu “o‘ziga xosligi”dan xursand bo‘lishmagan.
Gap shundaki, yapon an'analarida juda kam narsa ko‘cha poyabzalidan haqoratomuzroq qabul qilinadi. Bunday poyabzalda uyga, restoranga kirilmaydi va unda hattoki ishxonada ham yurilmaydi. Diplomatik korpus vakillari ushbu vaziyatni xudojo‘y yahudiyga cho‘chqa shaklida ishlangan idishda shokolad berishga qiyoslashgan.
“Bu ahmoqona va betakalluf qaror bo‘lgan. Yapon madaniyatida poyabzaldan ko‘ra ko‘proq hazar qilinadigan narsa yo‘q. Yaponlar poyabzalda nafaqat uyga kirishadi, uni hattoki ofisda kiyib yurishmaydi. Hattoki bosh vazir, vazirlar va parlament a'zolari ham ishda ko‘cha poyabzalini kiyib yurishmaydi”, deb aytgan Yaponiyada ishlagan isroillik diplomat.
Mojarodan keyin oshpaz bergan bayonotida shirinlik haqiqiy tuflida emas, balki Yaponiya bosh vaziri uchun maxsus yaratilgan tufli shaklidagi metall idishda berilganini ma'lum qilgan.
