Mundialni kutib. Taniştiruv: Kosta-Rika

Urugvay, Angliya va Italiya. Uç jahon çempioni jamlangan yagona guruhning törtinçisi bölib Kosta-Rika joylaşgandi. Heç kim ulardan biror natijani kutmas, barça masala aynan çempionlarning özaro bahslari-yu, Kosta-Rikaga kim köproq gol urişi bilan hal bölişini kutişar edi. Ammo...

Kolumbiyalik murabbiy Xorxe Luis Pinto boşçiligidagi Kosta-Rika dastlabki öyinda Urugvay ustidan 3:1 hisobida irodali ğalabaga erişdi. Şunda ham, heç kim ularni nazariga ilmas, şunçaki, ilk öyinda yetarliça motivatsiya töplay olmay 3 oçkoni yöqotgan, Angliya va Italiya oldida guruhdan çiqiş imkoniyatini pasaytirib yuborgan Urugvayning ustidan kuldi hamma. 2-turda Italiya öz uslubida, 1:0 hisobida mağlub etilgaç, amerikaliklar hazillaşmayotgani ma'lum böldi. Kosta-Rika rasman keyingi bosqiç masalasini hal qilgandi. Keyingi yöllanma öşa uç favoritdan faqat bittasiga tegardi xolos. Dahşat.

Pinto şogirdlari sönggi öyinda ham mağlubiyatga uçramadi va guruhda birinçi örinni qölga kiritdi. Italiya ustidan ğalaba qozongan Urugvay 6 oçko bilan 2-örinni oldi. Nimçorak finalda endi ularni Gretsiya kutib turardi. Albatta, endi har qanday raqib Kosta-Rikani jiddiy sanar, buning ustiga Gretsiya umuman har qanday raqibni jiddiy sanaydigan, himoyada juda tartibli öynaydigan jamoa. Ya'ni, şu paytgaça Kosta-Rikaga qöl kelib turgan uslub endi iş bermasligi mumkin edi. Terma jamoa yetakçisi Brayan Ruis hisobni oçdi. Lekin Oskar Duartega körsatilgan qizil kartoçka jamoani oğir ahvolga solib qöydi. Gretsiya sönggi daqiqada hisobni tenglaştirgaç esa, hamma qöşimça vaqtlar favoriti kim ekanini bilib turardi.

Kosta-Rika bu sinovni ham muvaffaqiyatli topşirdi. Penaltilar seriyasida qahramonlik körsatgan Keylor Navas uçraşuvning eng yaxşi öyinçisi deb topildi. Öşa paytlarda faqat La Liga muxlislari uçun taniş bölgan «Levante» darvozaboni uçun öşa turnir buriliş davri böldi deyiş mumkin. Aynan jahon çempionati tufayli «Real» e'tiborini qozongan Navas yakunda «Qirollik klubi» darvozaboniga aylanib, jamoa bilan uç marta Yevropa Çempionlar Ligasi va bir marta Ispaniya çempionligini qölga kiritdi.

Kosta-Rika hatto çorak finalda ham zafar quçişga yaqin edi. Niderlandiya terma jamoasiga qarşi öyinda ham jamoa öz darvozasi daxlsizligini saqlay oldi va öyinni penaltilar seriyasigaça olib borişning uddasidan çiqişdi. Faqat bu safar yevropaliklarning qöli baland keldi - 3:4.

Murabbiy

JÇ-2014 dan söng, Pinto terma jamoani tark etdi va uning örniga Kosta-Rikaning sobiq futbol yulduzi, Pintoga yordamçi bölib işlagan Paulo Vançope boş murabbiy etib tayinlandi. Lekin 2015 yilning avgustida, Panama va Kosta-Rika yoşlari örtasidagi öyinda hakamning bir qaroridan norozi bölgan Vançope maydonga çiqmoqçi bölib, bir yoş futbolçini turtib yuboradi. Keyin esa, stadion ma'murlaridan biri bilan muştlaşib ketadi. Bu voqea jamoatçilikda katta munozaralarga sabab böldi va hatto FIFAning e'tiborini tortdi. Vançope esa iste'foga çiqadi.

Öşa paytlarda Vançopega yordam berib kelgan «Alaxuaense» murabbiyi Oskar Ramires terma jamoa boşqaruvini qölga olişga majbur böldi. Oskar Ramires ham öz vaqtida maşhur futbolçi bölgan va yuqorida eslab ötilgan JÇ-90 da terma jamoa a'zolaridan biri edi.

2002 yildan murabbiylik faoliyatini boşlagan Ramiresning yulduzli onlari 2010 yilda, futbolçi sifatida bir neça bor çempionlikka erişgan qadrdon klubi «Alaxuaense»ni boşqarganidan keyin boşlandi. U qatorasiga beş bor klubni mamlakat çempioniga aylantirdi. 2012 yilda esa, u Kosta-Rikaning eng yaxşi murabbiyi sifatida ham e'tirof etilgan.

Bugungi Kosta-Rika

Yangi murabbiy qöl ostida ham Kosta-Rika tört yil oldingi yuzini va yulduzlarini saqlab qolgan. Terma jamoa safidagi 9 nafar futbolçi Kosta-Rika libosida 50dan ortiq maydonga çiqib ulgurganining özi ham jamoa ança tajribali ekanini körsatmoqda.

Terma jamoa yetakçisi va sardori esa, yana öşa, hozirda Portugaliyaning «Sporting» klubida töp surayotgan Brayan Ruisdir. Uni Angliya çempionati muxlislari ham juda yaxşi bilişadi. «Fulhem» safida yuzdan ortiq öyinda maydonga tuşib, Dimitar Berbatov bilan ham yaxşi tandem hosil qilgan Ruis 2005 yildan beri terma jamoa safida öynab kelmoqda. U Kosta-Rika safida 109 öyinda maydonga tuşgan bölsa, yarim himoyaçi Selso Borxes 110 öyinda terma jamoa libosini kiygan. Borxes Ispaniyaning «Deportivo» klubi futbolçisi sanaladi va u ham Kosta-Rika tarkibida muhim figuralardan biridir.

Bundan taşqari, ayniqsa, saralaş bahslarida hujum çiziğida sermahsul harakat qilgan Markos Urenyani ham tilga oliş kerak. Ötgan safargi çempionatda Urugvay darvozasiga uçinçi golni urgan Markos AQŞning «Los Anjyeles» klubi a'zosi sanaladi. Yaxşigina tezlikka va golni his qiliş qobiliyatiga ega bölgan Urenya hujum çiziğida tajribali va maydonni yaxşi köradigan Ruisga juda yaxşi tandem bölişi aniq.

Va albatta, Kosta-Rikaning asosiy qurollaridan biri - darvoza çiziği va uni qöriqlaydigan Keylor Navasdir. Kosta-Rika hali ham himoyada juda işonçli öynaşda davom etmoqda. Ramires şogirdlari saralaş bosqiçidagi 10 uçraşuvda atigi 8 marta töp ötkazib yuborişdi xolos - bu gollarning ikkitasi jamoa barça masalani hal qilib bölgan sönggi tur öyinida ötkazib yuborilgandi. Ayniqsa, AQŞga qarşi ikki öyinda jamoa umumiy 6:0 hisobida ustun kelgani turnirning hal qiluvçi voqeasi bölgandi.

JÇ-2018

Kosta-Rika «Ye» guruhida dastlabki öyinini 17 iyun kuni Samarada Serbiyaga qarşi ötkazadi. Keyingi öyin  22 iyun kuni Braziliya bilan. Bu uçraşuv Sankt-Peterburgda bölib ötadi. Sönggi tur öyini esa, Şveytsariya terma jamoasi qarşi 27 iyun kuni Nijniy Novgorodda böladi.

Rossiyadagi jahon çempionatidagi guruh tarkibi kosta-rikaliklarga qaysidir ma'noda öşa debyut çempionatni eslatib yuborişi mumkin. Braziliya va ikki Yevropa jamoasi. Öşa paytda bu vazifani uddalagan «Los Ticos» bu safar ham öziga işoniş uçun asos topa oladi. Kamida vaziyatga autsayderlardek boqib, şunçaki öynab ketiş uçun kelmasliklari tayin. Ayniqsa, tört yil oldingi xotira har qanday vazifani bajarişi mumkin bölgan işlar sirasiga kirita olişiga işonçimiz komil.