Mundialda törtinçi kun. Bugun favoritlar «jangga kiradi»
|21:38 / 17.06.201821 20122 min
Bugun JÇ-2018 doirasida yana uç uçraşuv ötkaziladi. Muxlislar uzoq kutgan, turnirning asosiy favoritlari sifatida körilayotgan Germaniya va Braziliya terma jamoalari, şuningdek, mundialdan avvalroq «katta maşhurlik»ka erişgan Meksika öz iştirokini bugun boşlaydi. Bugunga şuningdek, Serbiya va Kosta-Rika jamoalari bellaşuvi belgilangan.
Bugunning oçiliş öyini boşqa ikki juftlikdagi kabi jaranglamaydi - lekin Samaradagi Yevropa va Amerika jamoalari töqnaşuvi ham ayrim jihatlari bilan e'tiborga molik.
Kosta-Rika
FIFA reytingidagi örni (iyun): 23
Darvozabonlar: Keylor Navas («Real»), Parik Pemberton («Alaxuelense»), Leonel Moreyra («Erediano»). Himoyaçilar: Kristian Gamboa («Seltik»), Yan Smit («Norçeping»), Ronald Matarrita («Nyu-York Siti»), Brayan Ovedo («Sanderlend»), Oskar Duarte («Espanol»), Jankarlo Gonsales («Bolonya»), Fransisko Kalvo («Minnesota Yunayted»), Kendall Uoston («Vankuver Uaytkeps»), Jonni Akosta («Agilas»). Yarim himoyaçilar: David Gusman («Portlend Timberz»), Yeltsin Texeda («Lozanna»), Selso Borxes («Deportivo»), Rendall Asofeyfa («Erediano»), Rodni Uolles («Nyu-York Siti»), Kristian Bolanos («Saprissa»), Xoan Venegas («Saprissa»). Hujumçilar: Brayan Ruis («Sporting»), Daniel Kolindres («Saprissa»), Xoel Kempbell («Betis»), Markos Urenya («Los-Anjyeles»).
JÇ saralaşi
Ikki terma jamoa ham guruh bosqiçidan muvaffaqiyatli ötgan, serblar Uels, Irlandiya va Avstriya kabi terma jamoalarni ortda qoldirib, birinçi örinni egallagandi. Oskar Ramires şogirdlari esa KONKAKAF saralaşida yöllanmani finişga 3 tur qolganida naqd qilgandi, kosta-rikaliklar AQŞga qarşi uyda ham, safarda ham ğalabali öyinlar ötkazdi (umumiy hisob 6:0), yakunda kosta-rikaliklar Meksika, Panama, Honduras, AQŞ va Trinidad kabi terma jamoalardan iborat guruhda (saralaşning oxirgi bosqiçi) ikkinçi örinni egallab, çempionatga töğridan-töğri yöl oldi.
Mavzuga oid
Serbiya termasi mundialda ikkinçi marta iştirok etmoqda (aynan Serbiya sifatida, Serbiya va Çernogoriya yoki Yugoslaviya emas). Serbiyaning ilk mundiali 2010 yilga töğri kelgandi va muvaffaqiyatsiz çiqqandi, öşanda serblar guruh bosqiçidagi eng yomon terma jamoalardan biri bölgandi. Kosta-Rika esa 2014 yilgi jahon çempionatida sensatsiya körsatib, Urugvay, Angliya va Italiya terma jamoalari bilan bir guruhdan yakkapeşqadam sifatida çiqqandi. Mladen Krstaiç şogirdlari uçun yana bir noxuş ma'lumot şuki, kosta-rikaliklar şu vaqtga qadar mundialni faqat bir marta ğalaba bilan boşlamagan. Lekin Markaziy Amerika vakili oxirgi örtoqlik uçraşuvlarida yomon körsatkiçlar qayd etgan.
Kimlar öynaydi
Kosta-Rika tezkor va texnik futbolçilardan iborat, qarşi hujumlar ularning ustun jihati. Şu bilan birgalikda, Kosta-Rika vaziyatlardan unumli foydalana olişi bilan maqtana olmaydi, AQŞga qarşi ikki öyinda 6 gol urgan kosta-rikaliklar qolgan 9 öyinda atigi 8 bor raqiblar darvozalarini işğol etişgan. Kosta-Rikada yaqqol markaziy hujumçi yöq, jahon çempionati uçun zayavkada vinger bölmagan yagona hujum çiziği vakili Markos Urenya hisoblanadi. Ramires ötgan çempionatdagi kabi 3-5-2 sxemasida öyin körsatişi kutilmoqda.
Asosiy futbolçilar
Kosta-Rikaning asosiy yulduzi - Keylor Navas. Undan taşqari, terma jamoa sardori Brayan Ruisni («Sporting») ham Yevropada yaxşi bilişadi. Saralaş bosqiçida töpurar bölgan Kristian Bolanosdan ham köp narsa kutiş mumkin. «Arsenal»ning sobiq futbolçisi Xoel Kempbell Markos Urenya kabi jarohat tufayli asosiy tarkibdagi örnini yöqotgan.
Serbiya
FIFA reytingidagi örni (iyun): 34
Darvozabonlar: Vladimir Stoykoviç («Partizan»), Marko Dmitroviç («Eybar»), Predrag Raykoviç («Makkabi Tel-Aviv»). Himoyaçilar: Aleksandar Kolarov («Roma»), Branislav Ivanoviç («Zenit»), Duşko Toşiç («Guançjou Fuli»), Antonio Rukavina («Vilyarreal»), Miloş Velkoviç («Verder»), Milan Rodiç («Tsrvena Zvezda»), Uroş Spaiç («Krasnodar»), Nikola Milenkoviç («Fiorentina»). Yarim himoyaçilar: Nemanya Matiç («Mançester Yunayted»), Sergey Milinkoviç-Saviç («Latsio»), Luka Milivoyeviç («Kristal Pelas»), Adem Lyaiç («Torino»), Marko Gruiç («Liverpul»), Nemanya Radoniç («Tsrvena Zvezda»), Duşan Tadiç («Sautgempton»), Filip Kostiç («Gamburg»), Andriya Jivkoviç («Benfika»). Hujumçilar: Aleksandar Mitroviç («Fulhem»), Aleksandar Priyoviç (PAOK), Luka Yoviç («Ayntraxt»).
JÇ saralaşi
Serbiya – saralaşda qiyin bölmagan guruhda edi. Irlandiya, Avstriya va Uels terma jamoalari Serbiyadan heç bir jihati bilan ustun ham, kuçsiz ham emasdi. Serbiya Uels bilan ikki bor durang öynadi, Avstriyani uyda mağlub etib, safarda yutqazdi, ammo serblar Gruziya va Moldaviyaga qarşi öyinlarda oçko yöqotmadi – guruhda kim ğolib bölişini autsayderlar hal qildi. Bunday natijadan keyin Slavolyub Muslin işdan böşatildi, ayrim taxminlarga köra Muslin Sergey Milinkoviç-Saviçga – terma jamoa umidi bölgan yoş hujumçiga işonç bildirmagani uçun iste'foga çiqarilgan.
Kimlar öynaydi
Serbiya – yarim himoyaçilar jamoasi. Himoyadagi futbolçilarning yoşi ötib bormoqda, Ivanoviç, Kolarov, Toşiç, Rukavina – barçasi 30 yoşdan oşgan, hujumda u qadar barqaror öyin körsatmaydigan Mitroviç harakat qilmoqda, 34 yoşli Stoykoviç («Partizan») hamon darvozada: bu ma'lumotlar serblarning muxlislariga umid bera olmaydi. Ammo serblarning yarim himoyasi öta kuçli. Matiç tayanç yarim himoyasiga javob beradi, Lyaiç, Tadiç va Milinkoviç-Saviç yangi hujumlar boşlaydi.
Asosiy futbolçilar
Nemanya Matiç – barça havas qiladigan futbolçilardan biri. U 90 daqiqa davomida çarçoq bilmasdan yugura oladi. Tadiç «Sauthempton»da mavsumni bir tekisda ötkazmadi, ammo u terma jamoaning asosiy futbolçilaridan biri bölib qolmoqda. Lyaiç «Torino»da 10 golga uzatma bergan. Kolarov – terma jamoa sardori, u «Roma»da ikkinçi yoşligini ötkazmoqda. Mitroviç saralaş öyinlarida 6 gol urgan. Va hamma Milinkoviç-Saviçni kutmoqda. Muslin davrida u asosiy tarkibda emasdi, u yangi murabbiy tomonidan ham bir neçta öyinlarda zaxirada qoldirildi. Lekin u jahon çempionatida öynaşi aniq. «Latsio» uni bir yarim oydan keyin yaxşigina pulga sotişi tayin.
F guruhi
Germaniya — Meksika, «Lujniki» (Moskva), 20.00 Toşkent vaqti (Pervyy)
Amaldagi jahon çempionlari 2018 yilgi mundialni Moskvada mundiallarda doimiy ravişda pley-off bosqiçlarida iştirok etib keladigan Meksikaga qarşi boşlaydi. Meksikaliklar KONKAKAF qirollaridir.
Germaniya
FIFA reytingidagi örin: 1
Darvozabonlar: Manuel Noyyer («Bavariya»), Kevin Trapp («Pari Sen-Jyermen»), Mark-Andre ter Ştegen («Barselona»). Himoyaçilar: Marvin Plattenxardt («Gerta»), Yonas Hektor («Kyoln»), Mattias Ginter («Borussiya» Myonxengladbax), Antonio Ryudiger («Çelsi»), Mats Hummels, Niklas Zyule, Jyerom Boateng, Yozua Kimmih (barçasi – «Bavariya»). Yarim himoya va hujum: Sami Xedira («Yuventus»), Yulian Draksler («Pari Sen-Jyermen»), Toni Kroos («Real»), Timo Verner («RB Leyptsig»), Mesut Özil («Arsenal»), Marko Roys («Borussiya» Dortmund), Tomas Myuller («Bavariya»), Leon Goretska («Bavariya»), Sabastyan Rudi («Bavariya»), Yulian Brandt («Bayyer-04»), Ilkay Gundöğan («Mançester Siti»), Mario Gomes («Ştutgart»).
Bundestimda aytarli muammolar yöq: Yoaxim Lyov şogirdlari bu safargi turnirda ham kamida yarim finalni möljal qilişgan (oxirgi marta nemislar jahon çempionatida 1/2 final bosqiçida faqat 2002 yili bölmagandi). Terma jamoaning qudratiga şubha yöq — faqat murabbiylar ştabi turnirga «Mançester Siti» yetakçisi Leroy Saneni olib kelmagani köpçilikni hayron qoldirdi, lekin bu alohida tanqidlarga arzigulik qaror emas. Germaniya bir yil muqaddam, Konfederatsiyalar Kubogi yarim finalida deyarli ikkinçi tarkibi bilan Meksikani yer tişlatgandi - 4:1.
Bu öyinning alohida jihati Dortmundning «Borussiya» klubi tirik afsonasi, hozirgi futbolning eng yorqin iste'dodlaridan biri, ammo jarohat tufayli 2014 yilgi jahon çempionati, 2016 yilgi Yevropa çempionatini ötkazib yuborgan Marko Roysning bu safargi mundialdagi iştirokidir.
JÇ saralaşi
Germaniya saralaş turnirida haddan taşqari kuçli öyin körsatdi, 10 uçraşuvda 10 ğalaba qayd etilib, bosqiç davomida atigi 4 gol ötkazildi. Bu öyinlarda nemislar 43 gol urişdi: bunday köp golni Yevropada faqat Belgiya ura oldi. Germaniya – Yevropa saralaşida maksimal natija körsatgan yagona terma jamoa böldi. Qolaversa, nemislar kuçsiz guruhda emasdi: Şimoliy Irlandiya ötgan Yevropa çempionatida sensatsion iştirok etgan, Çexiya va Norvegiya ham kuçsiz jamoalar emas.
Oxirgi öyinlar
Bahorda Germaniya Rossiya, Ispaniya va Braziliya kabi terma jamoalar bilan örtoqlik uçraşuvlari ötkazdi. Ğalaba ham, durang ham, mağlubiyat ham qayd etildi. Eng hayron qoldirgan natija – avstriyaliklar bilan öyinda böldi. Germaniya bu öyinda yutqazdi, ammo mundialdan oldingi oxirgi öyinda Saudiya Arabistoni mağlub etildi, kiçik hisobda.
Asosiy yulduzlar
Germaniya deyarli mukammal tarkibga ega. Asosiy yulduzlar – Toni Kroos, Mesut Özil va Manuel Noyyer. Darvozabon köp vaqt davomida jarohat tufayli futbol öynamadi, ammo Lyov uni Rossiyaga olib keldi. Noyyer jarohat olişidan oldin jahonning eng yaxşi darvozaboni bölib turgandi. Mundialda ham «Barselona» a'zosi Mark-Andre ter Ştegen emas, balki u asosiy darvozabon bölişi kutilmoqda.
Meksika
FIFA reytingidagi örni: 15
Darvozabonlar: Gilermo Oçoa («Standard»), Xesus Korona («Krus Asul»), Alfredo Talavera («Toluka»). Himoyaçilar: Edson Alvares («Amerika»), Ugo Ayyala («Tigres»), Xesus Galyardo (UNAM), Migel Layun («Sevilya»), Ektor Moreno («Real Sosedad»), Diyego Reyyes («Portu»), Karlos Salsedo («Ayntraxt»), Rafael Markes («Atlas»).
Yarim himoyaçilar: Marko Fabian («Ayntraxt»), Xonatan dos Santos («Los-Andjyeles Gelaksi»), Andres Guardado («Betis»), Ektor Errera («Portu»), Xaver Akino («Tigres»). Hujumçilar: Jovani dos Santos («Los-Andjyeles Gelaksi»), Xesus Korona («Portu»), Xaver Ernandes («Vest Hem Yunayted»), Raul Ximenes («Benfika»), Irvin Losano (PSV), Oribe Peralta («Amerika»), Karlos Vela («Los-Anjyeles»).
JÇ saralaşi
Meksikaliklar saralaşning birinçi bosqiçida Honduras, Kanada va Salvador termalarini osonlik bilan ortda qoldirdi. Ikkinçi bosqiçda kiçik muammolar tuğiodi. Birinçi örin uçun kuraşda Kosta-Rika qattiq qarşilik körsatdi, ammo kosta-rikaliklar öz öyinlarida oçkolar yöqotib, Meksikani oldinga ötkazib yubordi. Meksika guruhda hammadan köp oçko jamğarib, hammadan kam gol ötkazdi, prinsipial raqib bölgan AQŞga qarşi ikki öyinda ham ğalaba qozonildi.
Oxirgi öyinlar
Munosib sparring-raqiblar tanlagan Meksika turli natijalar qayd etdi, ularning oxirgi 3tasida – Uels bilan durang öynaldi (0:0), Şotlandiya mağlubiyatga uçratildi (1:0) va Daniyaga qarşi öyin boy berildi (0:2). Ammo oxirgi vaqtlarda meksikaliklar maydon içidagi harakatlari bilan emas, maydon taşqarisidagi voqealar tufayli maşhur bölişmoqda, futbolçilar Rossiyaga yöl olişdan oldin katta ziyofat ötkazişdi va ayş-işrat qilişdi. Federatsiya ham futbolçilarni jazolamadi, ular futbolçilar böş vaqtini özlari istagan tarzda ötkazişlari mumkinligini ma'lum qilişdi. Şu voqeadan keyin daniyaliklarga qarşi bir öyin ötkazildi va mağlub bölindi.
Asosiy yulduzlar
Keng kölamda olib qaralsa, asosiy yulduz Rafa Markes, agar oxirgi yillar nazarda tutilsa, «MYu» va «Real»ning sobiq hujumçisi, ayni vaqtda «Vest Xem» uçun öynayotgan Xaver Ernandes. U juda sermahsul emas, ammo uning harakatlari terma jamoa hujumini rivojlantirişda beqiyos. Çiçarito 30 yoşga çiqib böldi, bu mundial uning uçun oxirgisi bölişi mumkin, şu tufayli u bor kuçini namoyiş etişga harakat qiladi.
Braziliya — Şveytsariya, «Rostov Arena» (Rostov-na-Don), 23.00 Toşkent (Pervyy)
2018 yilgi jahon çempionati Braziliya uçun ham bugun boşlanadi. Rossiyaga janubiy amerikaliklar favoritlardan biri sifatida taşrif buyurişgan, bu safargi jamoa 2014 yili Germaniya «qurboni»ga aylangan jamoadan butunlay farq qiladi, bu jamoani ideal deyişga şoşilmaslik kerak, ammo brazillarning hozirgi tarkibi çempionlarga xos öyinlar körsatmoqda. Neymar yanada ösgan, u fevraldayoq «PSJ»ning öyinlarini taşlab, dam olib, mundialga tayyorlandi. Uşbu 222 million yevrolik vinger va uning jamoasi nazorat öyinlarida barçaning yuragiga ğulğula soldi, ular işonç bilan futbol öynaşmoqda. Braziliyaning mundialdagi ilk raqibi Şveytsariiya böladi, u qadar kuçsiz bölmagan bu Yevropa jamoasi mundiallarning doimiy iştirokçisi, tez-tez xalqaro turnirlarning pley-offlarida öynab turadi. Yevropaliklarda sensatsion ravişda 3 oçko oliş uçun imkoniyatlar bor. Bu terma jamoa brazillarni yengiş tajribasiga ega 2013 yili özaro uçraşuvda aynan şveysarlar minimal hisobda ustun kelişgandi.
Braziliya
FIFA reytingidagi örni: 2
Darvozabonlar: Alison («Roma»), Ederson («Mançester Siti»), Kasio («Korintians»). Himoyaçilar: Danilo («Mançester Siti»), Fagner («Korintians»), Tyago Silva («PSJ»), Miranda («Inter»), Markinos («PSJ»), Pedro Jyeromel («Gremio»), Marselo («Real»), Filipe Luis («Atletiko»). Yarim himoyaçilar: Kazemiro («Real»), Paulino («Barselona»), Fernandino («Mançester Siti»), Renato Augusto («Beytszin Goan»), Koutino («Barselona»), Fred («Şaxtyor»), Villian («Çelsi»). Hujumçilar: Neymar («PSJ»), Roberto Firmino («Liverpul»), Gabriel Jyezus («Mançester Siti»), Duglas Kosta («Yuventus»), Tayson («Şaxtyor»).
JÇ saralaşi
Saralaş turniri davomida Braziliya boş murabbiyni almaştirdi va irodasiz, iştiyoqsiz jamoadan maşinaga aylandi va birin-ketin oçkolarni qölga kirita boşladi. Boş murabbiylik postini Tite – «Korintians» tarixidagi eng sovrindor murabbiy, ikki karra Braziliya çempioni, Libertadores kubogi va klublar örtasidagi jahon çempionati ğolibi egalladi.
Tite termadan Xitoyda javlon urayotgan Xalk va Oskarni çiqarib taşladi, ammo Paulino va Renato Augustoga joy berdi. Uning bu qarorlari köpçilikni şokka tuşirgandi, ammo bu davr ötib ketdi, endi yangi jamoa – nafaqat hujumda, balki himoyada ham işonçli harakat qilardi. Tite boşqaruvida braziliyaliklar saralaşda qatorasiga 9 ğalaba qayd etişdi (Argentina va Urugvay yirik hisoblarda mağlub etildi), bu seriyadan keyin biroz böşaşgan jamoa ikki marta durang öynadi. Şu bilan birgalikda ikkinçi örin bilan 10 oçkolik farq saqlangan holda birinçi örin egallandi – jamoa Dunga işdan böşatilgaç butunlay özgargandi.
Qanday öynaladi?
Tayanç yarim himoyaçisi Kazemiro va harakatçan hujum guruhi, bu guruhda hujum çiziğining istalgan vakili örin egallaşi mumkin. Saralaş öyinlarida Tite 4-1-4-1 sxemasini qölladi, bu sxema Renato Augusto/Fernandino va Paulino markazda, Neymar va Koutino qanoatlarda harakatlanişini közda tutardi. Hozirda sxema özgargan: Koutino yarim himoya markazida harakatlanib, yana bir hujumkor futbolçi (Duglas Kosta yoki Villian) oldinga çiqişiga zamin yaratadi.
Asosiy futbolçilar
Neymar. Uning termadagi örni «PSJ»dagi kabi emas. Klubda hamma Neymar uçun öynaydi, u hujumlarni özi boşlab, özi tugallaydi. Termadagi roli esa «Barselona»dagi davrlarni eslatadi: Neymar uçun kenglik hosil qilinadi, u qanotdan yuguradi va darvozaga zarba beriş nuqtasiga çiqib boradi. Kazemiro – terma jamoadagi şeriklarining ortini yopiş uçun öynaydi. Uning işçanligi muhim ahamiyatga ega. Kazemiro butun maydon böylab harakatlanişi mumkin. Yana bir muhim futbolçi – Paulino. «Barselona»da uşbu braziliyalik futbolçi hujumlarni yakunlaşda Messiga şeriklik qiladi, u Ernesto Valverdening noyob topilmasidir. Paulino – pozitsiyalar örtasida boğlovçilik vazifasini a'lo darajada uddalaydi. U saralaş davomida 11 öyinda 6 gol urib, ikki golga uzatma bergan. Bu röyxatni yana davom ettiriş mumkin: Alisson - Braziliyada yana top-darvozabon, Marselo, Jyezus, Koutino… himoyada Markinos-Miranda juftligi. Ha, Braziliya şu qadar kuçli.
Şveytsariya
FIFA reytingidagi örni: 6
Darvozabonlar: Roman Byurki («Borussiya» D), Ivon Mvogo («RB Leyptsig»), Yan Zommer («Borussiya» M). Himoyaçilar: Manuel Akandji («Borussiya» D), Niko Elvedi («Borussiya» M), Mixael Lang («Bazel»), Ştefan Lixtştayner («Yuventus»), Jak-Fransua Mubandjye («Tuluza»), Rikardo Rodriges («Milan»), Yoxan Juru («Antalyaspor»), Fabian Lukas Şyor («Bazel»). Yarim himoyaçilar: Valon Bexrami («Udineze»), Blerim Jyemayli («Bolonya»), Jyelson Fernandeş («Ayntraxt»), Remo Froyler («Atalanta»), Şerdan Şakiri («Stok Siti»), Granit Çaka («Arsenal»), Stiven Tsuber («Hoffenhaym»), Denis Zakariya («Borussiya» M). Hujumçilar: Yosip Drmiç («Borussiya» M), Bril Embolo («Şalke»), Mario Gavranoviç («Dinamo» Z), Xaris Seferoviç («Benfika»).
JÇ saralaşi
Şveytsariya FIFA reytingida oltinçi örinda. OLTINÇI – bu xato emas, bu hisob-kitoblar natijasi. Saralaş guruhida Şveytsariya Portugaliya bilan 3ga 3 öynadi, boşqa barça öyinlarda ğalaba qozonildi, Vengriya, Farer orollari, Latviya va Andorra uyda ham, safarda ham mağlub etildi. Şimoliy Irlandiyaga qarşi öyinlardagi natijalar ham reytingda kötarilişga sabab böldi. Vladimir Petkoviç qöli ostida yomon jamoa şakllanmagan – ammo bu jamoa reytingda özidan quyiroqda joylaşgan Ispaniya va Fransiya kabi terma jamoalar yöldan çiqqanda öta olişiga işoniş qiyin.
Qanday öynaydi?
Petkoviç jamoasi ança ehtiyotkor futbol namoyiş etadi, bu jamoa öyini Jyerdan Şakiri va Granit Çaka qanday kayfiyat va qanday sport formasida ekaniga boğliq böladi. Jamoa ikki tayanç yarim himoyaçisiga tayanadi: Çaka va Valon Bexrami. Blerim Jyemaili hujumçi ortidan harakat qiladi. Markazdagi bunday tösiqni buzib ötiş qiyin. Şuningdek, çap qanotdan Rikardo Rodriges hujumga qöşiladi, öng qanotdan Şakiriga Lixtştayner yordam beradi. Qayd etiş kerakki, jamoaning asosiy muammosi markaziy hujumçi yetişmasligi, bu Yevro-2016 turnirida ham közga taşlanib qolgandi. «Benfika» a'zosi Xaris Seferoviç Portugaliya çempionatida atigi 4 gol urgan, Bril Embolo («Şalke») esa yanada yomonroq mavsum ötkazgan.
Asosiy futbolçilar
Darvozabon. Zommer Şerom va Akandji kabi yoş himoyaçilar bilan birga himoyani boşqaradi. Saralaş bosqiçidagi 6 quruq öyin – uning xizmatlari evaziga. Granit Çaka hujumlarni boşlaşga mas'ul. U hamişa ham bu işni a'lo darajada uddalay olmasligi mumkin, ammo jamoada uning darajasidagi boşqa futbolçi yöq. Terma jamoa jismoniy jihatdan yetuk, ammo jamoaga aqlli va ijodkor futbolçilar yetişmaydi. Şakiri va Tsuber barçasiga qaraşi kerak. Yana bir narsani qayd etiş kerakki, Rodriges va Lixtştayner birgalikda saralaş öyinlarida 6 gol urişdi. Jamoaning asosiy qurollaridan biri aqlli va texnik futbolçilardan iborat qanotlardir.
