AQŞ prezidenti Donald Tramp va Rossiya prezidenti Vladimir Putin örtasidagi dizel importi böyiça kelişuv doirasida Rossiya yonilğisini AQŞga olib ketayotgan uç tankerdan ikkitasi yönalişini özgartirdi, deb xabar berdi Financial Times.
Rossiya yonilğisi bilan AQŞga yöl olgan uçta neft tankeridan ikkitasi yönalişini özgartirib, Oq uy rahbari Donald Tramp va Rossiya prezidenti Vladimir Putin örtasida avvalroq tuzilgan Rossiya dizel yonilğisini sotib oliş va import qiliş böyiça kelişuvni xavf ostiga qöydi. Bu haqda Financial Times naşri 4-noyabr, çorşanba kuni xabar berdi.
FT maʼlumotlariga köra, Rossiyaning Talisman tankeri hamda Hongkong kompaniyasiga tegişli, Syerra-Leone bayroği ostida suzayotgan Leruo tankeri endi AQŞning Atlantika sohilini boriş manzili sifatida körsatmayapti. Leruo 2-noyabrdan Braziliya tomon yönaliş olgan. Talisman esa Örta Yer dengiziga çiqib, hozir Jazoir sohillari yaqinida turibdi va for orders - «körsatmalar kutilmoqda» degan signalni uzatmoqda. Bu yukning hozirça tasdiqlangan xaridori yoki yetkazib beriladigan porti yöqligini anglatadi. Financial Times qayd etişiça, har ikki tanker Yevropa Ittifoqi sanksiyalari ostida.
Bir neçta tanker AQŞ tomon harakatni davom ettirmoqda
Gretsiyaning Eastern Mediterranean Maritime kemaçilik kompaniyasiga tegişli uçinçi tanker - Agioi Fanendes AQŞ tomon harakatlanişda davom etmoqda, biroq u ham «körsatmalar kutilmoqda» degan signalni uzatyapti.
«Tanker şu hafta oxirida Nyu-Yorkka yetib borişi kerak. Biroq amerikalik xaridorlar tartibga soliş talablari, qonunçilik va sanksiyalar bilan boğliq xatarlar tufayli oçiq-oydin ehtiyotkorlik qilayotganini hisobga olsak, bu tanker ham AQŞ portlariga kirişdan voz keçib, yönalişini özgartirsa, ajablanarli bölmaydi», - deya Kpler kompaniyasi tahlilçisi Mett Smitning sözlarini keltiradi FT.
Ayni paytda Seyşel orollaridagi kompaniyalarga tegişli, sanksiyalar ostidagi Beast tankeri 27-oktabrda Rossiyaning Primorsk portida yuk ortgan va AQŞning Atlantika sohili tomon harakatlanişda davom etmoqda, deb yozadi FT.
AQŞdagi yonilği vaziyati
Erondagi uruş boşlanganidan buyon dizel yonilğisi fyuçerslari narxi 60 foizdan köproq oşdi. 2026-yil noyabr oyi boşida AQŞdagi yonilği quyiş şoxobçalarida dizelning örtaça narxi bir gallon uçun qariyb 6,30 dollarni, yaʼni bir litr uçun 1,66 dollarni taşkil etdi.
