Kollej o‘quvchilari olib qochilgan mototsiklda daraxtga kelib urildi, bir o‘quvchi vafot etdi

22 may kuni kollej o‘quvchilari M.Yu. va K.M.lar Toshkent shahrining Yakkasaroy tumanida “Max Exem” MChJ binosi oldida qarovsiz qoldirilgan M.Q. va O.X.ga tegishli  “Yamaha” rusumli mototsikllarni haydab qochishgan. 

Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.

Qayd etilishicha, M.Yu. mototsiklni Cho‘ponota ko‘chasida haydab ketayotib boshqaruvni eplay olmay yo‘l chetidagi daraxtga borib urishi natijasida jarohat olib voqea joyida vafot etgan, uning sherigi K.M. ushlangan.

Eslatib o‘tamiz, avvalroq Bekobod shahrida kollej o‘quvchisi qotillik sodir etgani xabar berilgandi.