Past Darg‘omda g‘oyib bo‘lgan “Kobalt” Qamashida topildi

Shu yilning 21 may kuni Samarqand viloyatining Pastdarg‘om tumanida jinoyat yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, noma'lum shaxs Beruniy ko‘chasida yashovchi N.X. boshqaruvidagi  “Kobalt” rusumli avtomashinasiga yo‘lovchi sifatida o‘tirib, Chortut mahallasi hududiga yetib kelganlarida N.X.ni kuch ishlatish yo‘li bilan qo‘rqitib avtomashinadan tushirib yuborib, avtomashinani noma'lum tomonga haydab qochgan. 

Ko‘rilgan choralar natijasida ushbu jinoyatni Qashqadaryo viloyati Chiroqchi tumanida yashovchi Yu.A. sodir etganligi aniqlanib, u avtomashinani Qashqadaryo viloyati Qamashi tumani hududidan o‘tuvchi “Qarshi-Shahrisabz” yo‘lida haydab ketayotganida IIB xodimlari tomonidan ushlangan.