Avstriya kansleri: AQShga ishonch qolmayapti

Avstriya kansleri Sebastyan Kurtsning ma'lum qilishicha, Amerika tomoni tobora ishonchsiz bo‘lib bormoqda. Shu bilan birga, Yevropa mamlakatlari birdamlikni saqlab qolishi kerak. Bu haqda u The Financial Times’ga bergan intervyusida aytib o‘tdi.

Kurtsning so‘zlariga ko‘ra, Birlashgan Qirollikning Yevroittifoq tarkibidan chiqish haqidagi qarori «dahshatli», uning asosiy sababi esa migratsion muammodir. 

«AQSh biz uchun tobora ishonchsiz bo‘lib bormoqda. Eng asosiysi - Yevropa birdam bo‘lib qolishi kerak», - deya ta'kidlab o‘tdi Kurts.