O‘zbekiston Respublikasi Prezidentining 2018 yil 14 maydagi qaroriga muvofiq, Vazirlar Mahkamasi har yili O‘zbekiston Respublikasi Mudofaa vazirligining o‘nta eng ilg‘or aviatsiya mutaxassisiga Toshkent shahridan uy-joy ajratish to‘g‘risidagi taqdimnomani ko‘rib chiqadi. Bu haqda Mudofaa vazirligi matbuot xizmati KUN.UZ’ga ma'lum qilmoqda.
Hujjatda belgilanganidek, sharafli kasbning fidoyilari bo‘lgan harbiy uchuvchilarga uy-joylar O‘zbekiston Respublikasi Mudofaa vazirligiga davlat byudjyetidan ajratiladigan mablag‘lar hisobidan beriladi.
Mazkur imtiyoz havo sarhadlarimiz qalqonlarining Vatanga sadoqatini, jangovar salohiyatini, professional tayyorgarligini yanada oshirishga xizmat qiladi.
