Hokim Sergeli avtomobil bozorini ko‘chirish haqidagi gap-so‘zlarga munosabat bildirdi
Sergeli tumani hokimi Nozim Husanov avtomobil bozorini Toshkent viloyati hududiga ko‘chirishni xohlamaydi. Bu haqda u chorshanba kuni tashkil etilgan matbuot anjumanida ma'lum qildi.
Bu yil shahar hokimligi «Sergeli» avtomobil bozori va «Yangiobod» bozorini poytaxtdan Toshkent viloyatiga ko‘chirish rejalari haqida e'lon qildi.
«Faqatgina avtomobil bozorini emas, balki barcha bozorlarni shahar tashqarisiga ko‘chirish haqida g‘oya bor edi. Hozircha bu masala ko‘rib chiqilmoqda. Avtomobil bozori 24 gektar yerni egallaydi. Avval yangi hududni topib, uni obodonlashtirish kerak, keyin bozorni yangi joyga ko‘chirish lozim. Bularning barchasi ma'lum bir vaqtni talab qilishi mumkin», - dedi Husanov jurnalistlarga.
Shuningdek, u o‘z tumani hududida avtomobil bozorini qoldirishni xohlashini ta'kidladi, chunki u byudjyetga tushumlarning yaxshi manbaidir - yiliga 11 mlrd so‘m. «Buncha pulni yo‘qotishni istamagan bo‘lardim», - deydi hokim.
«Bozorni tumanimiz hududida yanada qulayroq va transportlar harakatiga xalaqit bermaydigan joyda qoldirishni xohlardim. Bizda bunday hududlar bor, ular Toshkent viloyati bilan chegaradosh», - deya qo‘shimcha qilib o‘tdi Husanov.
Mavzuga oid
13:42 / 20.07.2024
Toshkentda ishlab chiqarish korxonalarining birida yong‘in sodir bo‘ldi
13:39 / 15.06.2024
Toshkentda avtobus yonib ketdi
13:29 / 13.06.2024
Sergeli mashina bozori yonida yong‘in sodir bo‘ldi
14:20 / 11.06.2024