AQSh prezidenti Donald Tramp Rossiyani yana «Katta sakkizlik» tarkibiga qaytarishga chaqirdi. Bu haqda Associated Press xabar tarqatgan.
O‘z navbatida Reuters agentligi Tramp Kanadaning Kvebek shahridagi G7 sammitida Rossiya ham bo‘lishi kerakligi haqida gapirganini xabar qilgan.
«Sizga yoqadimi yoki yo‘q — bu siyosiy jihatdan ham beadablik hisoblanishi mumkin — ammo biz dunyoni boshqarishimiz kerak. Hozir G7 bor, avval G8 edi, Rossiya haydalgandi, ammo Rossiya qaytarilishi kerak, bizga bu davlat muzokaralar stolida bo‘lgani yaxshi», degan AQSh prezidenti jurnalistlarga.
Ayni vaqtda «Katta yettilik» Germaniya, AQSh, Kanada, Yaponiya, Fransiya, Buyuk Britaniya va Italiya davlatlaridan iborat.
Rossiya ushbu tashkilotga 2002 yildan 2014 yilgacha a'zo bo‘lgan, 2014 yili Qrimni o‘z tarkibiga qo‘shib olganidan keyin tashkilotdan chiqarib yuborilgandi.
