AQSh hukumati amerikaliklarga Qrim bo‘yicha ogohlantirish bilan chiqdi

AQSh Davlat departamenti Rossiya bo‘ylab safar qilayotgan amerikaliklarga ogohlantirish bilan chiqdi. Unda Qo‘shma Shtatlar fuqarolari Qrimga tashrif buyurmaslikka chaqirilgan. Bu haqda idora saytida xabar berildi.

«Qrimga tashrif buyurish kerak emas, sababi yarim orolda xorijliklarga nisbatan suiiste'molliklar hamon kuzatilmoqda», - deyiladi xabarda.

Shuningdek, idoradan ta'kidlashlaricha, AQSh hukumati Qrim bo‘ylab safar qilayotgan amerikaliklarga tezkor yordam xizmatlarini taqdim eta olmaydi, sababi Qo‘shma Shtatlar hukumati xodimlariga yarim orolga borish taqiqlangan.

Eslatib o‘tamiz, avvalroq Tramp Qrimni Obama yo‘qotgani haqida ma'lum qilgandi.