Isroil AQShning «jur'atli» qarorini olqishladi

Isroil bosh vaziri Binyamin Netanyaxuning tvitterdagi sahifasida yozishicha, Qo‘shma Shtatlarning BMT Inson huquqlari bo‘yicha kengashidan (IHK) chiqish to‘g‘risidagi qarorini qo‘llab-quvvatlaydi.

«Isroil AQSh prezidenti Donald Tramp, davlat kotibi Mayk Pompeo va elchi Nikki Xeyliga bunday jur'atli qaror uchun minnatdorlik bildiradi. U BMTning Inson huquqlari bo‘yicha kengashi ikkiyuzlamachiligi va yolg‘oniga qarshi qabul qilindi», - deya yozgan Netanyaxu.

Isroil bosh vazirining ta'kidlashicha, IHK o‘z faoliyati davomida «Isroilga qarshi dushmanlik kayfiyatidagi» organ sifatida «o‘zini ko‘rsatdi». Uning fikricha, Kengash inson huquqlarini himoya qilishdagi o‘z missiyasiga xiyonat qilyapti.

Eslatib o‘tamiz, avvalroq AQSh Inson huquqlari bo‘yicha kengashga qanday shartda qaytishi ma'lum bo‘lgandi.