Pokistonda terrorchi hujumi oqibatida 12 kishi halok bo‘ldi 

Pokistonning Peshavor shahrida terrorchi-xudkushning hujumi oqibatida 12 kishi halok bo‘ldi, 35 kishi jarohat oldi. Bu haqda Pakistan Today nashri ma'lum qildi.

Ma'lumotlarga ko‘ra, terrorchi hujumni Avami milliy partiyasi yig‘ilishi vaqtida sodir etgan. Qurbonlar orasida partiya yetakchisi Xarun Bilur va uning o‘g‘li Doniyol Bilur bor. 

Yaralanganlar shifoxonaga yetkazilgan. Ulardan ba'zilarining ahvoli o‘ta og‘ir.

Mamlakatda harakat qiluvchi birorta terrorchi tuzilma ushbu hujum uchun javobgarlikni o‘z zimmasiga olmagan.