Yaqin kunlarda Toshkent markazida Black Star Burger restoranini ochish rejalashtirilgan. Bu haqda meat gastro-bistro GŌSHT Groop hamasoschisi Abdurashid Iminov Instagram’dagi sahifasida xabar berdi.
Uning so‘zlariga ko‘ra, restoranning ochilishiga Black Star Burger tarmog‘i asoschilaridan biri Timati keladi. Restoran Markaz-1da, SNOB'S Platinum do‘koni yonida joylashadi.
Ma'lumotlarga ko‘ra, Black Star Burger restorani o‘z faoliyatini 2016 yil 16 sentabrdan beri davom ettirib kelyapti.
Muassasa tadbirkor Yuriy Levitas tomonidan Timati, Pavel Kuryanov va Valter bilan hamkorlikda ochilgan. Hamkorlar butun dunyo bo‘ylab minglab burgerlarda bo‘lib, xatolarni hisobga olish va ularning har biridagi ijobiy tajribani o‘rganish hamda to‘plangan tajribani restoranda amalga oshirishga harakat qilishgan.
