Malayziya fuqarolik aviatsiyasi departamenti rahbari Azharuddin Abd Rahmon Hind okeani uzra g‘oyib bo‘lgan Malayziyaning Boeing-777 samolyoti bo‘yicha yakuniy hisobot e'lon qilingach, iste'foga chiqish haqida ariza berdi. Bu haqda The Star gazetasi saytida xabar qilingan.
Rahbar o‘z iste'fosini tergov davomida nazoratchilar ishida aniqlangan buzilishlar bilan bog‘ladi, biroq hujjatda u rahbarlik qilayotgan departamentga nisbatan bevosita ayblovlar yo‘q.
«Komissiya hisoboti fuqarolik aviatsiyasi departamentiga MN370 reysining halokati uchun mas'uliyat yuklamasligiga qaramay, hisobotda Kuala-Lumpur aeroporti aviadispetcherlik xizmati ishi bilan bog‘liq bir nechta aniq xulosa bor. U yerda havo harakatini nazorat qilishning standart jarayonlari dispetcherlar tomonidan buzilgani haqida so‘z yuritiladi», - deya ma'lum qilgan Abd Rahmon.
Ta'kidlanishicha, u seshanba kuni ertalab iste'foga chiqqan bo‘lib, qaror 14 kundan keyin kuchga kiradi.
