Motorola 2018 yilning eng yangi Moto Z3 flagman qurilmasini rasman namoyish qildi. Model shu oyning oxirida AQShda sotuvga chiqadi, uning boshqa mamlakatlar bozoriga qachon chiqishi hozircha noma'lum. Moto Z3 dunyodagi ilk 5G-smartfon bo‘lishi kutilmoqda, zero u kelasi yili beshinchi avlod Verizon tarmoqlarining ishga tushishi bilan bir vaqtda yangilanadi.
Moto Z3 shisha korpus, katta 6 dyuymli AMOLED-displey, ikki kamera va barmoq izlari skaneri bilan ta'minlandi. Bundan tashqari, model Qualcomm Snapdragon 835 chipi, 4 Gb operativ va 64 Gb ichki xotiraga ega. Asosiy kamera moduli 12 + 12 Mp, selfi-kamera esa - 8 Mp. Smartfon 3000 mAs sig‘imli batareyada ishlaydi, lekin 5G Moto Mod uni qo‘shimcha 2000 mAs akkumulyator bilan ta'minlaydi. Hozirda gadjyet Android Oreo'da ishlaydi, keyinroq u Android P'gacha yangilanadi.
Qurilma 16 avgustdan AQShda 480 dollardan sotila boshlaydi. Albatta, Moto Mod 5G bu narxning ichiga kirmaydi, uning bahosi hali ma'lum qilinmadi. Qurilma bilan birga sovg‘a sifatida istagan Moto Mod yarim narxida taklif etiladi.
