Italiyaning Bolonya shahri shimoli-sharqidagi estakadada davomli portlashlar ortidan yong‘in chiqdi. Rainews24 telekanali xabariga ko‘ra, hodisa oqibatida ikki kishi halok bo‘lib, 67 kishi jarohatlangan. Jarohatlanganlarning 11 nafari politsiyachilar ekani aytilmoqda.
Shifoxonaga yotqizilganlarning 14 nafari og‘ir ahvolda qolmoqda.
O‘t o‘chirish xizmati bergan ma'lumotga ko‘ra, benzovoz yo‘l-transport hodisasiga uchrab, portlab ketgan. Portlashdan keyin chiqqan yong‘in estakadada turgan avtomobillarga tarqalgan.
Portlash Bolonya aeroporti faoliyatiga ta'sir ko‘rsatgan.
