Farg‘ona shahrida yangi xususiy maktab ochildi

Farg‘ona shahrida o‘quvchilar uchun barcha qulayliklarga ega zamonaviy usulda qurilgan, yangi, «SIRIUS» nomli nodavlat ta'lim muassasasi ish boshladi. O‘quv muassasasi 4 qavatli binoda joylashgan bo‘lib, o‘quvchilar uchun sportzal, oshxona, dam olish maydonlari, dam olish xonalari, o‘quv xonalari zamonaviy usulda jihozlanib, o‘qishga shay holga keltirilgan.

O‘quvchilar ertalab soat 07:00 dan kech soat 18:00 gacha maktab hududida bo‘lib, 3 mahal issiq ovqat bilan ta'minlanishadi. Maktabga Farg‘ona shahridagi oliy toifali o‘qituvchilar jalb qilingan bo‘lib, darslar faqat rus tilida olib boriladi. Qo‘shimcha ravishda, ingliz va koreys tili chuqurlashtirilgan tartibda o‘tiladi.

Bundan tashqari, maktabda chuqurlashtirilgan matematika sinflari tashkil qilinib, o‘quvchilar qiziqishiga va ota-onalar talabi bilan boshqa fanlardan ham chuqurlashtirilgan sinflar ochish ko‘zda tutilmokda. Darslardan so‘ng o‘quvchilar qiziqishlariga qarab 10 dan ortiq to‘garaklarga qatnashishlari mumkin, jumladan:

• Shaxmat;
• Aviamodel sporti;
• Teatr va raqs;
• Geografiya va boshqalar.

Maktab 400 o‘ringa mo‘ljallangan bo‘lib, 1-9 sinfgacha o‘quvchilarni qabul qilmokda. Har bir sinf 15-20 o‘quvchidan iborat bo‘lib, bu har bir o‘quvchi bilan individual shug‘ullanish uchun juda muhim rol o‘ynaydi. Har bir o‘quv xonasi internet bilan ta'minlangan bo‘lib, darslar jahon standartlariga mos, yuqori texnologiyalar vositasida o‘tiladi.

Har bir xona va butun hududga kuzatuv kameralari o‘rnatilgan bo‘lib, bu o‘quvchilar uchun xavfsiz sharoit yaratish bilan birga ota-onalarning bevosita farzandlarini dars jarayonida kuzatish imkonini beradi.

«SIRIUS» maktabi yurtimiz ravnaqi uchun vatanparvar, bilimga chanqoq va har tomonlama mukammal insonlarni tarbiya qilishni o‘z oldiga maqsad qilib qo‘ygan.

Manzil: Farg‘ona shahri, Farg‘ona ko‘chasi, 130-a

Telefonlar: +99897 966 63 36, +99899 602 06 22, +99873 241 85 89

Reklama huquqi asosida