El Klasikoga bosh hakam tayinlandi

La Liga Ispaniya chempionatining 10-turidan o‘rin olgan «Barselona» – «Real» o‘yiniga rasmiylarini tayinladi.

Bellashuvni Xose Mariya Sanches Martines bosh hakam sifatida boshqaradi. May oyida, «Kamp Nou»da o‘tkazilgan so‘nggi El Klasikoni (2:2) boshqargan Alexandro Xose Ernandes Ernandes bu safar video-yordamchi sifatida ishlaydi.

35 yoshli Sanches «Barselona» bilan «Real» o‘yinlarini 2 marta boshqargan. O‘tgan yilning avgust oyida bo‘lib o‘tgan Ispaniya Superkubogi bahsida «Real» 2:0 hisobida g‘alaba qozongan. 2017 yilning dekabr oyida «Barselona» safarda 3:0 hisobida zafar quchgan edi.

«Barselona» – «Real» o‘yini yakshanba, 28 oktabr kuni soat 19:15da boshlanadi.