Tramp AQShga kelayotgan migrantlarga chaqiriq bilan chiqdi

AQSh prezidenti Donald Tramp Markaziy Amerikadan kelayotgan migrantlarni Meksikaga boshpana so‘rab murojaat qilishga chaqirdi.

Bu haqda u tvitterdagi sahifasida yozgan.

«Hozirgi paytda janubda chegaramizdan o‘tayotgan noqonuniy migrantlar oqimini to‘xtatish uchun barcha sa'y-harakatlar olib borilmoqda. Avvaliga odamlar Meksikaga boshpana so‘rab murojaat qilishlari kerak, aks holda AQSh ularga rad javobi beradi», - deya yozgan Qo‘shma Shtatlar yetakchisi.

Eslatib o‘tamiz, avvalroq Tramp samolyotdagi favqulodda vaziyatdan so‘ng rafiqasini maqtagandi.