Qoʻshimcha funksionallar
-
Tungi ko‘rinish
Andijonda paxtaga jalb etilgan tahririyat bosh muharririning o‘g‘lini yuk mashinasi urib ketdi
«Andijonnoma» gazetasi bosh muharririning o‘g‘li Saidjahon Xoldarovni paxta terimidan qaytayotganida katta yo‘l yoqasida yuk avtomashinasi urib ketgan. Bu haqda «Kun.uz» manbasi xabar bermoqda. U shoshilinch ravishda Qo‘rg‘ontepa tuman tibbiyot birlashmasi jonlantirish bo‘limiga og‘ir ahvolda yotqizilgan.
Ma'lum bo‘lishicha, otasi Saidahmad Shukurov bosh muharrirlik qiladigan «Andijonnoma» va «Andijanskaya pravda» gazetalari tahririyatida kompyuter operatori vazifasida ishlab kelayotgan 24 yoshli Saidjahon Xoldarov 20 oktabr, shanba kuni bir guruh hamkasblari bilan paxta terimiga borgan. Voqea soat 18 lar chamasi Qo‘rg‘ontepa tumanida, daladan qaytishayotgan chog‘da sodir bo‘lgan. Uni katta yo‘lda «ZIL» rusumli yuk mashinasi urib ketgan.
«Kun.uz» manbasining ma'lum qilishicha, paxta mavsumi boshlangandan buyon qator tashkilot, muassasa va idoralarning xodimlari yig‘im-terimda qatnashib kelishmoqda. Jumladan, «Andijonnoma» tahririyatining 10-15 nafar xodimi ham har kuni paxta terimiga jalb etib kelinmoqda.
Ma'lumot uchun, «Andijonnoma» va «Andijanskaya pravda» gazetalari Andijon viloyati hokimligining nashri hisoblanadi.
Paxta-2018
Mavzuga oid
08:07 / 15.04.2026
Dunyoda eng ko‘p paxta yetishtiruvchi davlatlar reytingi e’lon qilindi
22:05 / 12.04.2026
“Endi bu yerda boshqa harakat qila olmayman”. Babayan "Andijon" bosh murabbiyligidan ketishini ma’lum qildi
22:14 / 11.04.2026
Qashqadaryo va Andijonda kuchli ta’sir qiluvchi dori vositalari sotib kelgan shaxslar ushlandi
16:09 / 31.03.2026