2026-yilning yanvar-avgust oylarida Prezident Xalq qabulxonalari tomonidan murojaatlar bilan ishlashda yoʻl qoʻygan kamchiliklari yuzasidan davlat organlari va tashkilotlariga taʼsir choralari koʻrish boʻyicha jami 5486 ta hujjat kiritilgan.
Maʼlum qilinishicha, koʻrilgan choralar natijasida 151 nafar shaxs lavozimidan ozod etilgan. Shuningdek, 833 nafar xodimga hayfsan jazosi qoʻllanilgan.
Bundan tashqari, 150 nafar xodim maʼmuriy javobgarlikka tortilgan va 1335 nafari rasman ogohlantirilgan.
Murojaatlardagi kamchiliklardan kelib chiqib, chora koʻrishdan tashqari, yoʻl qoʻyilgan xato va kamchiliklarni tuzatish boʻyicha eng koʻp murojaat tushayotgan 10 ga yaqin tashkilotlarda amaliy oʻquv seminarlari tashkil etilgan.
