Abadiy taqvimga ega Patek Philippe shveysar soati Jyenevadagi Sotheby's auksion uyidagi savdolarda 3,9 mln shveysar frankiga (3,88 mln dollar) pullandi va bu borada jahon rekordi o‘rnatdi.
Kumush siferblatli oltin soat hafta kuni, sana va Oy fazasini ko‘rsatadi, unda xronograf ham bor. Soat qo‘lda yurgaziladi. U 1952 yilda yasalgan, orqa qopqog‘ida “RC 25 may 1956 yil” yozuvi o‘yib tushirilgan. Bu yozuvdagi harflar soatning birinchi egasi ismi-familiyasining bosh harflari hisoblanadi, ammo uning kim bo‘lgani noma'lumligicha qolgan.
Soatga uning 1956 yil 18 mayda ilk bor sotilganini tasdiqlovchi arxiv hujjati ilova qilingan.
Ta'kidlanishicha, soatning yangi egasi shaxsi noma'lumligicha qolgan. Shunisi ma'lumki, soatni “savdo zalining orqa qatorida o‘tirgan va telefoni orqali xitoycha so‘zlashgan yosh osiyolik ayol” qo‘lga kiritdi.
