Qator korxonalar uchun soddalashtirilgan yagona yer solig‘i stavkasi joriy etiladi

Normativ-huquqiy hujjatlar loyihalari muhokamasi portalida Iqtisodiyot vazirligining “Qishloq xo‘jaligi yerlaridan foydalanish samaradorligini oshirish yuzasidan qo‘shimcha chora-tadbirlar to‘g‘risida”gi qarori loyihasi joylashtirildi.

Hujjat bilan O‘zbekiston Respublikasi Moliya vazirligi, Davlat soliq qo‘mitasi, Iqtisodiyot vazirligi, Qishloq xo‘jaligi vazirligi, Davergeodezkadastr qo‘mitasi, O‘zbekiston fermer, dehqon xo‘jaliklari va tomorqa yer egalari Kengashining meva-sabzavot mahsulotlarini yetishtiruvchi qishloq xo‘jaligi korxonalari uchun soddalashtirilgan yagona yer solig‘i stavkasi joriy etilishi yuzasidan takliflari ma'qullanishi mumkin.

O‘zbekiston Respublikasi Moliya vazirligi, Iqtisodiyot vazirligi, Davlat soliq qo‘mitasi O‘zbekiston Respublikasi Prezidentining “O‘zbekiston Respublikasining 2019 yilgi asosiy makroiqtisodiy ko‘rsatkichlari prognozi va davlat byudjyeti parametrlari to‘g‘risida”gi qarori loyihasida meva-sabzavot mahsulotlarini yetishtiruvchi qishloq xo‘jaligi korxonalari uchun 2019 yil 1 yanvardan boshlab soddalashtirilgan yagona yer solig‘i stavkasi joriy etiladi.

O‘zbekiston Respublikasi Soliq kodeksining yangi tahrirdagi loyihasini ishlab chiqishni muvofiqlashtirish hamda samarasiz soliq
va bojxona imtiyozlari va preferensiyalarini bekor qilish bo‘yicha ishchi komissiya O‘zbekiston Respublikasi Soliq kodeksining yangi tahrirdagi loyihasida meva-sabzavot mahsulotlarini yetishtiruvchi qishloq xo‘jaligi korxonalari uchun:

2019 yil 1 yanvardan boshlab, soddalashtirilgan yagona yer solig‘ini hisoblash va to‘lash tartibini joriy qilinishi;

boshqa faoliyat turlari bo‘yicha olgan daromadlari uchun qonunchilikda belgilangan tartibda soliq to‘lash mexanizmlari qo‘llanilishi;

yer solig‘ini hisobot yilining 1 iyuliga qadar – yillik soliq summasining 40 foizi, hisobot yilining 1 noyabriga qadar – soliq summasining qolgan qismi to‘lanishi nazarda tutiladi.

O‘zbekiston Respublikasi Qishloq xo‘jaligi vazirligi, Davergeodezkadastr qo‘mitasi, Davlat statistika qo‘mitasi, Davlat soliq qo‘mitasi, Qoraqalpog‘iston Respublikasi Vazirlar Kengashi, viloyatlar hokimliklari va O‘zbekiston fermer, dehqon xo‘jaliklari va tomorqa yer egalari Kengashi har yili 1 mart holatiga meva-sabzavot mahsulotlarini yetishtiruvchi qishloq xo‘jaligi korxonalari va ularning yer maydonlari to‘g‘risida yagona ro‘yxatni shakllantiradi.

Davergeodezkadastr qo‘mitasi, Qishloq xo‘jaligi vazirligi, Davlat statistika qo‘mitasi, Davlat soliq qo‘mitasi Axborot texnologiyalari va kommunikatsiyalarini rivojlantirish vazirligi bilan birgalikda 2019 yil 1 fevralga qadar qishloq xo‘jaligi tovar ishlab chiqaruvchilari va ularning yer maydonlari to‘g‘risidagi ma'lumotlarni o‘zaro elektron ma'lumotlarni integratsiya qilishni yo‘lga qo‘yish maqsadida dasturiy ta'minotni ishlab chiqadi va amaliyotga joriy etadi.