Гап Андрей Оприско, Сергей Цибизов, Юрий Будзило, Владимир Терешченко, Виктор Беспальченко, Владимир Варимез, Михаил Власюк, Богдан Головаш, Сергей Чулиб, Владислав Костишин, Сергей Попов ва Роман Мокряк ҳақида бормоқда.
Суд йиғилиши учта залда ўтган ва уларни 3 судья олиб борган.
Аввалроқ Қрим омбудсмени Людмила Лубина ҳибсга олинганлар Симферополдаги тергов изоляторига олиб борилишларини маълум қилган.
Денгизчиларга Россия Жиноят кодексининг 322-моддаси 3-қисми (олдиндан тил бириктирган ҳолда ёки зўравонлик қўллаб бир гуруҳ шахслар ёки уюшган гуруҳ томонидан чегаранинг ноқонуний кесиб ўтилиши) бўйича жиноий иш қўзғатилган.
Қолган денгизчиларга нисбатан эҳтиёт чораси 28 ноябрда чиқарилади.
25 ноябрда россиялик чегарачилар Керчь бўғозида Қора ва Азов денгизлари орқали Одессадан Мариуполга йўл олаётган, Украинага қарашли “Яни Капу” буксири ҳамда “Бердянск” ва “Никополь” артиллерия катерларини ва улардаги 24 денгизчини ушлашганди. Операция вақтида украиналик денгизчилардан 3 нафари яраланган.
