Diniy tashkilotlar tomonidan adliya organlariga taqdim etiladigan hisobot shakli tasdiqlandi

Adliya vazirining buyrug‘i bilan diniy tashkilotlar tomonidan adliya organlariga taqdim etiladigan hisobot shakli tasdiqlandi.

Ushbu buyruq davlat ro‘yxatidan o‘tkazildi va bu haqda hukumat bayonnoma qarorlari va idoraviy normativ hujjatlarni huquqiy ekspertizadan o‘tkazish boshqarmasi Idoraviy normativ-huquqiy hujjatlarning davlat reyestriga tegishli yozuv kiritadi.

Hisobot shakli jami ma'lumotlar kiritilishi lozim bo‘lgan 25ta ustunlar yig‘indisidan iborat.

Hisobotda diniy tashkilotning rekvizitlari, rahbar xodimlar haqidagi, diniy tashkilot a'zo bo‘lgan xalqaro, chet el va mahalliy tashkilotlar bo‘yicha ma'lumotlar hamda hisobot davrida tayyorlangan bosma, audiovizual va boshqa materiallar bo‘yicha ma'lumotlar aks ettirilishi lozim.

Shuningdek, hisobotda diniy tashkilot faoliyatida vujudga kelgan muammolar hamda uning faoliyatini takomillashtirish bo‘yicha asoslantirilgan takliflar ham qayd etiladi.