Foto: www.donaldjtrump.com
AQSh prezidenti Donald Tramp Oq uy xodimlari apparati rahbari Jon Kelli o‘z lavozimidan ketishini ma'lum qildi.
CBS telekanalining xabar berishicha, Kelli lavozimidan yil oxirida ketadi. Tramp uning ishini qadrlashini aytib o‘tgan.
“Biz Jonning o‘rnini kim egallashini e'lon qilamiz. Bu vaqtinchalik tayinlov bo‘lishi mumkin”, deb aytgan Tramp va bu boradagi qarorni yaqin ikki kun ichida e'lon qilishini qo‘shimcha qilgan.
Kelli bu lavozimga 2017 yil yozida tayinlagan. O‘shanda u ichki xavfsizlik vaziri bo‘lgan.
