Prezident Qashqadaryoga yo‘l oldi

Bugun, 13 dekabr kuni O‘zbekiston Prezidenti Shavkat Mirziyoyev Qashqadaryo viloyatiga jo‘nab ketdi.

Davlat rahbari 13-14 dekabr kunlari uchun mo‘ljallangan tashrif davomida avvalgi topshiriqlar ijrosini ko‘zdan kechiradi, xalq hayoti bilan bevosita tanishadi.

O‘zbekiston prezidenti respublika hududlari bo‘ylab tashriflarining navbatdagi bosqichini 15-16 noyabr kunlari Qoraqalpog‘iston Respublikasiga tashrif buyurish bilan boshlagandi. Prezident keyinroq, 29-30 noyabr kunlarida Xorazm viloyatida ham bo‘lgandi.