2018 yilda qurilgan osmono‘par imoratlar soni bo‘yicha davlatlar reytingi tuzildi

Baland binolar va shahar muhiti bo‘yicha xalqaro kengash 2018 yil yakunlarini sarhisob qildi. Tashkilot hisobotiga ko‘ra, yakuniga yetayotgan yilda 200 metrdan ortiq bo‘lgan 143ta bino qurildi, bu rekord natija qayd etilgan 2017 yilga nisbatan atigi to‘rttaga kam. Shu bilan birga, «o‘ta yuqori» osmono‘par binolar (balandligi 300 metrdan oshiq) soni bo‘yicha jahon rekordi qayd etildi - 18ta. 2018 yilda dunyodagi barcha osmono‘par binolarning to‘rtdan uch qismi Osiyoda paydo bo‘ldi.

Yilning eng baland osmono‘par binosiga Pekinda joylashgan 108 qavatli CITIC Tower aylandi. Uning uzunligi - 503 metr. Ikkinchi o‘rinda Vetnamning Xoshimin shahrida joylashgan Vincom Landmark (taxminan 461 metr), uchinchi - Xitoyning Chansha shahridagi IFS Tower T1 (452 metr).

Umuman olganda, 2018 yil oxiriga kelib dunyoda 1598ta osmono‘par bino bor. Sayyoradagi eng baland bino - Dubaydagi «Burj Xalifa». Uning uzunligi - 828 metr.

Yangi baland imoratlarning asosiy ulushi Xitoy hissasiga to‘g‘ri keldi, u yerda 88ta yangi osmono‘par bino qurildi, - mamlakat qatorasiga to‘rt yildan beri eng baland yangi imoratlar bo‘yicha yetakchilik qilmoqda.

2018 yilda qurilishi tugallangan osmono‘par imoratlar soni bo‘yicha top-10:

1. Xitoy

2. AQSh

3. BAA

4. Malayziya

5. Indoneziya

6. Tailand

7. Janubiy Koreya

8. Kolumbiya

9. Kuvayt

10. Kanada