Sanitariya-gigiyena shoxobchalarini tashkil qilgan tadbirkorga reklama va ixcham savdo nuqtalari uchun joylar taqdim etiladi

Turizmni rivojlantirish davlat qo‘mitasi tomonidan olib borilgan o‘rganishlar natijasiga ko‘ra, bugungi kunda turistlar tashrif buyuradigan jamoat joylari va obektlarda sanitariya-gigiyena shoxobchalarini tashkil etishga katta ehtiyoj mavjud.

O‘zbekiston Prezidentining 2018 yil 7 fevraldagi «Ichki turizmni jadal rivojlantirishni ta'minlash chora-tadbirlari to‘g‘risida»gi 3514-son qarori shuningdek, Hukumatning hududlarda turizm sohasini rivojlantirishga oid topshiriqlarida turistlar gavjum bo‘ladigan joylarda sanitariya-gigiyena shoxobchalarini qurib (qayta qurib), ularni zamonaviy sanitariya talablariga javob beradigan holda foydalanishga topshirilishini ta'minlash vazifasi belgilangan. Ushbu vazifani davlat-xususiy sherikchiligi asosida tezkor amalga oshirish maqsadida xo‘jalik yurituvchi sub'yektlar uchun quyidagi imkoniyat va sharoitlar joriy etilgan:

{Yii::t(}

O'tkazib yuborish 6s

O'tkazib yuborish

1) Xo‘jalik yurituvchi sub'yektlarining sanitariya-gigiyena shoxobchalarini qurish, qayta tiklash va kapital ta'mirlashga sarflagan 100 million so‘mgacha bo‘lgan xarajati uning soliq solinadigan bazasidan ayirib tashlanadi. Bunda soliq solinadigan bazaning 100 million so‘mgacha kamayishi, bir martalik yoki qismlarga bo‘lingan holda, 2020 yil 1 yanvar muddatigacha amalga oshiriladi (O‘zbekiston Respublikasi Adliya vazirligi tomonidan 2018 yil 13 avgustda 3053-son bilan ro‘yxatdan o‘tkazilgan «Xo‘jalik yurituvchi sub'yektlarning soliq solinadigan bazasini alohida xarajatlari bo‘yicha kamaytirish tartibi to‘g‘risidagi nizom»);

Masalan: 2018 yilning sentabr-oktabr oylarida xo‘jalik yurituvchi sub'yekt - umumiy ovqatlanish nuqtasi o‘z hududida barcha mijoz va yo‘lovchilar foydalanishlari uchun sanitar-gigiyena shoxobchasini jami 60 million so‘mga qurib foydalanishga topshirdi. Mazkur sub'yekt tomonidan 2018 yilning uchinchi choragida jami soliqqa tortiladigan daromadi 80 million so‘mni tashkil qilgan bo‘lsa, soliqni faqatgina 20 million so‘mdan to‘laydi.

2) Turizm infratuzilmasi obektlaridagi (tarixiy va me'moriy yodgorliklar, muzeylar, teatrlar, madaniyat uylari, umumiy ovqatlanish punktlari, xizmat ko‘rsatish obektlari, avtomobillarga yoqilg‘i quyish shoxobchalari, avtomobillar uchun vaqtincha to‘xtash joylari, yo‘lbo‘yi infratuzilmasining servis xizmatlar ko‘rsatiladigan hududlari, bozorlar, rastalar, do‘konlar va odamlar gavjum bo‘ladigan boshqa joylarni) sanitariya-gigiyena shoxobchalarini saqlash uchun xarajatlar, ya'ni farroshlar ish haqi, gigiyena, tozalash va yuvish vositalarini sotib olish, kommunal xarajatlarni to‘lash bo‘yicha xo‘jalik yurituvchi sub'yektlar tomonidan qilingan 12 million so‘mgacha bo‘lgan miqdordagi xarajatlar ularning soliq solinadigan bazasidan ayirib tashlanadi (yuqorida keltirilgan Nizom);

Masalan: Xo‘jalik yurituvchi sub'yekt - umumiy ovqatlanish nuqtasi o‘z hududida barcha mijoz va yo‘lovchilar foydalanishlari uchun tashkil qilgan sanitar-gigiyena shoxobchasini saqlash uchun 2018 yilning sentabr oyida 1 million so‘m xarajat qildi. Mazkur sub'yekt tomonidan 2018 yilning sentabr oyida jami soliqqa tortiladigan daromadi 10 million so‘mni tashkil qilgan bo‘lsa, soliqni faqatgina 9 million so‘mdan to‘laydi.

3) Zamonaviy sanitariya-gigiyena shoxobchalarini yaratish bo‘yicha loyihalarni amalga oshiradigan tadbirkorlik sub'yektlari va salohiyatli investorlarga Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari tomonidan Turizmni rivojlantirish davlat qo‘mitasining xulosasi asosida shahar va tumanlarning tegishli qismlarida reklama va ixcham savdo nuqtalari uchun joylar taqdim etiladi.

Masalan: Agarda tadbirkorlik sub'yektlari va potensial investorlar jamoat joylarida zamonaviy sanitariya-gigiyena shoxobchalarini tashkil etishsa, ularga ma'lum bir hududdan tijorat maqsadida o‘z reklama materiallarini joylashtirish bo‘yicha hamda ixcham savdo nuqtalarini tashkil etish bo‘yicha qulay joylar taqdim qilinadi.