Tramp demokratlar yetakchisiga kelishuv taklif qildi

AQSh prezidenti Donald Tramp vakillar palatasidagi demokratlar yetakchisi Nensi Pelosiga «kelishuv» taklif qildi. Bu haqda u tvitterdagi sahifasida yozgan.

Taklif shu bilan bog‘liqki, 3 yanvar, payshanba kuni Pelosi vakillar palatasi spikeriga aylanadi, sababi demokratlar oraliq saylovlar yakunlari bo‘yicha uni nazorat qila boshlaydi. Hozirgi vaqtda tasdiqlanmagan byudjyet tufayli AQShning bir qator federal muassasalari yopiq turibdi. Byudjyet bo‘yicha ovoz berishdagi asosiy kelishmovchilik Trampning loyihasi - AQSh va Meksika chegarasida devor qurishni moliyalashtirish masalasi bo‘ldi.

«Chegaralar xavfsizligi, devor «masalasi» va shatdaun - Nensi Pelosi spiker sifatida o‘z ishini boshlashni xohlamaydigan narsalar! Keling, kelishuvga erishamiz?» - deya yozgan Tramp.

Eslatib o‘tamiz, avvalroq Tramp 2018 yilni «tarixiy yutuqlar» yili deb atagandi.