Belgiyalik fotograf Paskal Mannayerts mana o‘n yildirki, dunyo bo‘ylab sayohat qilib, “insoniyatni eng kuchli shakllarda tasvirlash”ga harakat qiladi. Osiyo, Afrika, Lotin Amerikasi, Shimoliy Afrika va Yaqin Sharq uning obektivida bir necha marta bo‘lgan.
“Erta tong — har qanday yangi joyni his etish uchun ideal fursat”, — deydi u. Shuning uchun u har bir mamlakatga tashrif jarayonida erta turishga odatlandi. Nihoyat barcha suratlarni “Butun dunyodagi tonggi soat sakkiz” seriyasiga to‘pladi.
Varanasi, Hindiston, 2008 yil: “Kunning bu qismida hindlar cho‘milishadi va ibodatni amalga oshiradilar. Butun Hindistondagi yuzlab ziyoratchilar shaharga kelishadi va uzoq yo‘l bosib daryo qirg‘og‘iga tashrif buyuradilar. Odamlar oqimi, go‘zallik va ranglar okeani hamma yerda. Men buni yaxshi ko‘raman…”.
Kyaikto, Myanma, 2014 yil: Yigit o‘zining restorandagi ilk qahvasidan huzur olmoqda.
Shrimangal, Bangladesh, 2014 yil: “Shrimangalda Mahmudni uchratdim. Uni har kuni tongda nabirasi bilan o‘ynayotganini ko‘raman. “Bu mening kunni boshlash usulim, — dedi u, — undan keyin men uchun zarur bo‘lgan kuch-quvvatni olaman, u menga kun davomida shijoat beradi”.
Mandalay, Myanma, 2014 yil: Monaxlar Mandalay ko‘chalarida guruch terishadi.
Tokio, Yaponiya, 2015 yil: Ofisga ketish yo‘lidagi yoqimli fursat.
Yazd, Eron, 2015 yil: Yazddagi jome masjidi.
