8356.18 USD +19.11

9582.03 EUR +83.61

124.97 RUB +1.61

10730.2 GBP +120.41

09:29 / 11.01.2019 2643

Испания Кубоги. «Севилья» биринчи ўйинда «Атлетик»ни мағлуб этди

Бильбаодаги «Сан-Мамес» стадионида Испания Кубогининг 1/8 финали доирасида «Атлетик» ва «Севилья» ўртасидаги учрашув бўлиб ўтди. Ўйин меҳмонларнинг 3:1 ҳисобидаги ғалабаси билан якунланди.

Ўйинда ҳисобни «Севилья» ҳужумчиси Нолито 6-дақиқадаёқ очди. Иккинчи бўлимда «Атлетик» ҳимоячиси Микель Сан-Хосе ҳисобни тенглаштирди. Аммо 4 дақиқа ўтиб — Андре Силва меҳмонларни яна олдинга бошлади. Ўйин охирида Виссам Бен-Йеддер бильбаоликлар дарвозасига учинчи голни урди.

Жамоаларнинг жавоб учрашуви 16 январь куни Севильядаги «Рамон Санчес Писхуан» стадионида бўлиб ўтади.

Турнирнинг 1/16 финалида «Севилья» «Вильяновенсе»ни (0:0, 1:0), «Атлетик» — «Уэска»ни (4:0, 4:0) ортда қолдирганди.

Испания Кубоги
1/8 финал
Биринчи ўйинлар
Атлетик – Севилья 1:3 (0:1, 1:2)
Голлар: 0:1 – 6 Нолито, 1:1 – 49 Сан Хосе, 1:2 – 53 Андре Силва, 1:3 – 77 Бен-Йеддер.
Атлетик – Симон, Нуньес, Йерай Альварес, Баленсиага, Капа, Сан Хосе, Кордоба (Иньяки Уильямс, 66), Сусаета (Де Маркос, 78), Итурраспе, Адурис (Муниаин, 42), Гурусета.
Севилья – Сориано, Кьер, Меркадо, Каррису, Арана, Амаду, Меса (Банега, 54), Промес, Васкес (Сарабия, 74), Нолито, Андре Силва (Бен-Йеддер, 68).
Огоҳлантиришлар: Сан Хосе (36), Меса (37), Васкес (61).
 
Бетис – Реал Сосьедад 0:0 (0:0, 0:0)
Бетис – Роблес, Бартра, Манди, Барраган, Герреро, Гуардадо (Тельо, 62), Вильям Карвалью, Санчес (Будебуз, 84), Каналес, Ло Чельсо, Санабрия (Морон, 78).
Реал Сосьедад – Рульи, Ле Норман (Морено, 69), Тео, Сальдуа, Льоренте, Сурутуса (Мерино, 46), Субельдия, Хуанми, Сангальи (Янузай, 84), Ойарсабаль, Баутиста.
Огоҳлантиришлар: Сальдуа (10), Субельдия (17), Манди (42), Льоренте (79).

Top