«Öqituvçi maqomi töğrisida»gi qonun loyihasi e'lon qilindi

Öqituvçi maqomiga davlat va nodavlat maktabgaça, umumiy örta, örta maxsus, kasb-hunar va maktabdan taşqari ta'lim muassasalarida işlaydigan zarur kasbiy ta'lim va tegişli malakaga ega bölgan fuqarolar ega böladi.

Tegişli ma'lumoti, kasbiy tayyorgarligi bor va yuksak ma'naviy-axloqiy fazilatlarga ega bölgan şaxslar öqituvçi sifatida pedagogik faoliyat bilan şuğullaniş huquqiga ega.

Pedagogik ta'lim va malakaga ega bölmagan şaxslarga pedagogik faoliyat bilan şuğullaniş huquqi tegişli fan yönalişi böyiça pedagogik qayta tayyorlaş ötganidan söng beriladi.

Pedagogik faoliyat bilan şuğullaniş huquqidan sud hukmiga köra yoki tibbiy xulosaga asosan mahrum qilingan şaxslarning davlat va nodavlat ta'lim muassasalarida öqituvçi maqomiga ega bölişiga va pedagogik faoliyat bilan şuğullanişiga yöl qöyilmaydi.

Yetarli malakaga ega bölmaganligi sababli, şuningdek ta'lim faoliyati prinsiplariga zid bölgan axloqsiz xatti-harakatlar öqituvçilik maqomidan mahrum qiliş amaldagi qonun hujjatlariga muvofiq amalga oşiriladi.

Öqituvçilar yakka tartibda pedagogik faoliyat (repetitorlik) bilan şuğullanişi mumkin.

Asosiy iş joyi sifatida muayyan davlat ta'lim muassasasida faoliyat olib borayotgan öqituvçilar yakka tartibda pedagogik faoliyat (repetitorlik) bilan asosiy işidan böş vaqtida şuğullanişi mumkin.

Yakka tartibda pedagogik faoliyatni amalga oşiriş yuridik şaxs taşkil etmasdan şuğullanişi mumkin bölgan faoliyat turlari sirasiga kiradi hamda litsenziya oliş talab etilmaydi.

Yakka tartibda pedagogik faoliyat bilan şuğullanuvçi öqituvçilar, şu faoliyat böyiça yakka tartibdagi tadbirkor sifatida davlat röyxatidan ötmasdan, yaşaş joyidagi davlat soliq xizmati organiga olgan daromadlari töğrisida deklaratsiya taqdim etiş orqali soliq tölaydi.

Yakka tartibda pedagogik faoliyat bilan şuğullanuvçi öqituvçi pullik ta'lim xizmatini körsatişni boşlaşdan oldin ta'lim oluvçilarga, ularning ota-onalari (qonuniy vakillari)ga özining kasbiy ma'lumoti, umumiy pedagogik iş staji va individual pedagogik faoliyat bilan şuğullanayotgan muddati va lozim bölsa özi amalda qöllaydigan pedagogik uslub va texnologiyalari töğrisidagi ma'lumotlarni taqdim etadi.

Öqituvçi sifatida pedagogik faoliyat bilan şuğullaniş huquqi millati, jinsi, ijtimoiy kelib çiqişi yoki diniy e'tiqodidan qat'i nazar, qonun hujjatlari bilan belgilanadigan zarur kasbiy ta'lim va tegişli pedagogik kadrlarga ega bölgan şaxslarga beriladi.

Öqituvçi öz kasbiga doir faoliyatini amalga oşiriş çoğida:

• ta'limni boşqariş böyiça maxsus vakolat berilgan davlat organlari tomonidan tasdiqlangan davlat ta'lim standartlariga muvofiq öquv rejalari, öqitiş metodlari va usullarini, darsliklar va öquv qöllanmalarini tanlaş erkinligi;
• yangi mualliflik dasturlari, darsliklar va öquv qöllanmalarini yaratişda iştirok etiş;
• yangi ilğor uslublar va metodlarni yaratiş, ulardan foydalaniş, ilmiy-pedagogik tajribalar ötkaziş, amaliyotda ilğor pedagogik tajribalarni joriy qiliş;
• pedagogik faoliyatda yangi ilğor uslublar va metodlarni yaratganlik, ulardan foydalanganlik va joriy qilganlik uçun rağbatlantiriliş;
• kasbiy faoliyatni amalga oşiriş uçun yetarli şaroitlarning yaratilişini talab qiliş;
• ta'lim taşkilotining içki me'yoriy hujjatlarida belgilangan tartibda öquv, metodik va ilmiy yönalişlardagi xizmatlardan bepul foydalaniş;
• amaldagi qonun hujjatlarida belgilangan tartibda yakka tartibda pedagogik faoliyat bilan şuğullaniş;
• malaka toifasini oşiriş maqsadida attestatsiyadan ötiş;
• qonun hujjatlarida örnatilgan tartibda örindoşlik asosida işlaş;
• öquvçilar bilan işlaşda ularning ota-onalari, qonuniy vakillari yoki vasiylari, şuningdek fuqarolarning özini özi boşqariş organlari, boşqa nodavlat notijorat taşkilotlari bilan hamjihatlikda işlaş;
• ta'lim muassasasining ustavi (ta'sis hujjati)da belgilangan tartibda uni boşqarişda, şu jumladan, kollegial boşqaruv organlarida iştirok etiş;
• ta'lim muassasasi faoliyati bilan boğliq masalalarni muhokama etişda, şu jumladan, davlat va nodavlat notijorat taşkilotlari orqali iştirok etiş;
• şa'ni va qadr-qimmati, odob-axloq me'yorlari buzilişini tekşirişda xolisona va adolatli yondaşuvni talab qiliş;
• öz fikrini bayon etiş va kasbiy daxlsizlik;
• pedagogik asoslangan şakllar, vositalar, öqitiş va tarbiyalaş usullarini tanlaş va ulardan foydalaniş;
• öquvçilarning huquq va manfaatlarini himoya qilişda bevosita yoki bilvosita iştirok etiş huquqlariga ega.

Öqituvçilar qonun hujjatlariga muvofiq boşqa huquqlarga ham ega bölişi mumkin.

Öqituvçining huquqlari, şa'ni va qadr-qimmati qonun bilan qöriqlanadi.

Davlat öqituvçiga öz kasbiga doir faoliyatni amalga oşirişida uning himoya qilinişini ta'minlaydi.

Öqituvçining kasbiy faoliyatiga ota-onalar, tegişli vakolatga ega bölmagan idora va taşkilotlar bevosita aralaşiş huquqiga ega emaslar.

Öqituvçilarning etika (kasbga oid odob-axloq) qoidalari öqituvçining şaxsiga va öz kasbiga doir vazifalarni bajariş çoğida uning xulq-atvoriga qöyiladigan talablarni belgilovçi qoidalar majmuidan iboratdir.

Öqituvçilarning kasbga oid odob-axloq qoidalari ta'limni boşqariş böyiça maxsus vakolat berilgan davlat organlari, öqituvçilarning kasaba uyuşmalari tomonidan belgilanadi.

Öqituvçilarning kiyinişiga qöyiladigan talablar ta'lim taşkilotlari tomonidan belgilanişi mumkin.