Angrendagi GM Uzbekistan yagona rasmiy dileri o‘z mijozlari o‘rtasida ikkinchi marta yirik sovrinli o‘yinni o‘tkazdi.
13 yanvar kuni Angren shahrida maishiy texnikalar yutuqli o‘yinining ikkinchi bosqichi bo‘lib o‘tdi: g‘oliblarni uchtadan Artel markasidagi televizorlari, ikki kamerali sovutgichlar va zamonaviy kir yuvish mashinalari kutayotgan edi. Bu safargi yutuqli o‘yinda ishtirokchilar soni bir necha barobarga ortdi, lototrondagi ko‘plab kuponlar buning yaqqol isboti. Omadli g‘oliblar har doimgidek avtomobil xaridi uchun tuzilgan shartnoma raqami va xaridorning ismi-sharifi yozilgan kuponlar solingan baraban yordamida tasodifiy shaklda tanlab olindi. Natijada to‘qqiz nafar g‘oliblar xolisona aniqlandi - kuponlar esa mehmonlar ishtirokida barabandan olindi. Yutib olingan maishiy texnikalarni O‘zbekistonning turli viloyatlaridan tashrif buyurgan kishilar o‘z uylariga olib ketishdi. Yutuqli o‘yinning qoidasiga ko‘ra, g‘oliblar bosh yutuq - Chevrolet Tracker avtomobilini yutib olish huquqini ham saqlab qolishdi.
O‘yin avtosalonning bosh ofisida bo‘lib o‘tdi va o‘yin jarayoni kompaniyaning Instagram sahifasida to‘g‘ridan-to‘g‘ri uzatib borildi.
Eslatib o‘tamiz, aksiya jismoniy va yuridik shaxslar uchun amal qiladi. Aksiya 2018 yilning 12 noyabrida boshlangan bo‘lib, 2019 yilning 12 fevraliga qadar davom etadi. Ikkinchi oylik yutuqli o‘yinda ishtirok etish uchun Angren shahridagi Lion Motors avtosaloni bilan avtomobil xarid qilish uchun shartnoma imzolash va shartnomada ko‘rsatilgan mablag‘ning 85% ini to‘lash lozim. Shuningdek, avtosalonda shartnoma raqami ko‘rsatilgan maxsus kuponni ham to‘ldirib, lototron ichiga tashlash zarur.
Aksiyada avtomobil xarid qilish uchun Angren shahridagi yagona Lion Motors avtosaloni bilan, shuningdek bevosita www.lionmotors.uz (http://www.lionmotors.uz) rasmiy sayti orqali shartnoma imzolagan xaridorlar ishtirok etadi. Rasmiy sayt orqali xarid amalga oshirilganda, aksiyada ishtirok etish uchun ariza shartnomadagi mablag‘ning 85% i mijoz tomonidan to‘langanidan so‘ng, avtosalon xodimi tomonidan to‘ldiriladi va avtomat ravishda yutuqli o‘yin ishtirokchisiga aylanadi.
