Suriya Isroilga tahdid qildi

Foto: GLOBAL LOOK PRESS

Suriyaning BMTdagi doimiy vakili Bashar al-Ja'fariy so‘zlariga qaraganda, Damashq Tel-Aviv aeroportiga zarba berish bilan Isroil hujumlariga javob qaytarishi mumkin. Bu haqda RIA «Novosti» xabar qilmoqda.

Uning so‘zlariga ko‘ra, Damashq Isroilning Suriyaga zarbalari munosabati bilan BMT Xavfsizlik kengashi tomonidan tegishli choralar ko‘rilmasa, shunday qadamga borishi mumkin.

Shuningdek, uning qo‘shimcha qilishicha, Isroil Suriya hududiga «muntazam ravishda hujum» qilmoqda.

Eslatib o‘tamiz, avvalroq Isroil Suriyadagi Eron nishonlariga zarbalar berayotgani xabar qilingandi.