Illyustrativ foto/Pinterest
Fransiya gipertovush quroli ishlab chiqarish dasturini boshlashga qaror qildi. Fransiya qurolli kuchlari vaziri Florans Parli ana shunday bayonot bilan chiqdi, deb xabar berdi AFP agentligi.
Vazirning so‘zlariga ko‘ra, ishlab chiqariladigan gipertovushli planer soatiga 6 ming kilometrdan ortiq tezlikda parvoz qila olishi lozim.
Xabar qilinishicha, dastlabki sinov parvozi 2021 yilning oxirigacha bo‘lib o‘tishi mo‘ljallanmoqda.
Mazkur loyiha V-MaX (Vhicule Manoeuvrant eXprimental) nomini oldi. Loyihaning bosh pudratchisi Arianegroup aviatsiya-kosmik konserni bo‘ladi. Vazirning fikricha, loyiha "qator sohalarda harbiy salohiyat nuqtai nazaridan haqiqiy texnologik o‘sish bo‘ladi".
