24 fevral kuni Los-Anjyelesdagi «Dolbi» teatrida kino olamidagi eng nufuzli sovrin – AQSh kinoakademiyasining «Oskar» mukofoti taqdirlash marosimi o‘tkazildi. 91-marta o‘tkazilgan nufuzli mukofotning taqdirlash marosimida barcha g‘oliblar nomi aniq bo‘ldi.
«Eng yaxshi qo‘shiq» - «Shallow» — Ledi Gaga «Yulduz tug‘ildi» filmi uchun kuylagan.
«Eng yaxshi kompozitorlik ishi» — Lyudvig Yoransson. «Qora Pantera» filmi uchun.
«Eng yaxshi badiiy qisqa metrajli film» — «Teri». Gay Nattiv.
«Eng yaxshi hujjatli qisqa metrajli film» — «Nuqta. Taklifning yakuni». Rayka Zeztabchi.
«Eng yaxshi hujjatli film» — «Yolg‘izlikdagi erkin ko‘tarilish». Elizabet Chai Vasarxeli.
«Eng yaxshi operatorlik ishi» — Alfonso Kuaron. «Roma» filmi uchun.
«Eng yaxshi xorijiy film» — «Roma». Alfonso Kuaron.
Bu nominatsiyada «Kapernaum», «Do‘kon o‘g‘rilari», «Sovuq urush», va «Hech qachon ortga qarama» filmlari ham da'vogar bo‘lgandi.
«Ikkinchi plandagi eng yaxshi aktrisa» — Redjina King. «Agar Bil-strit gapira olganida» filmidagi ijrosi uchun.
Bu nominatsiyadagi qolgan nomzodlar: Reychel Vays («Ma'shuqa»), «Emma Stoun («Ma'shuqa»), Emi Adams («Hokimiyat»), Marina De Tavira («Roma»).
«Ikkinchi plandagi eng yaxshi aktyor» — Maxershala Ali. «Yashil kitob» filmidagi ijrosi uchun.
Bu nominatsiyadagi qolgan nomzodlar: Adam Drayver («Qora klanchi»), Sem Elliott («Yulduz tug‘ildi»), Sem Rokuell («Hokimiyat»), Richard Grant («Meni kechira olasizmi?»).
