Yevropa endi «Real»nikimas. «Qirol»ning «taxtdan qulaşi» haqida

Zidanning het-trigi

2016 yilning 4 yanvarida «Real» oxirgi 10 yillikdagi eng töğri tayinlovni amalga oşirib, Zinedin Zidanni boş murabbiy sifatida e'lon qildi. Rafael Benites tuşunarsiz holatga keltirib qöygan jamoani qabul qilib olgan Zidan mavsum oxirida Çempionlar Ligasida ğolib böldi. «Real» Zidan davrida nimaning evaziga Yevropa taxtini bunçalik mustahkam egallaganiga javob topsak, «Ayaks» nega bugun «Real»ni musobaqadan çiqarib yuborganini anglaş ham osonroq bölardi.

Zidan «Real»da qilgan eng asosiy işi şuki, u barça bilan yaxşi muomalada böldi. Undan keyin kelgan murabbiylar doim kim bilandir çiqişa olmadi va bu natijalarga ta'sir qildi. Masalan, Solari Isko va Marseloni zaxiraga ötqazib qöydi. Beyldan ham foydalana olmayapti. Lopetegi umuman «Real»da nima qilib yurganini özi ham tuşunmagan. Lekin Zidan birinçi navbatda «Real» kiyiniş xonasiga salobat olib kirgandi. Öz vaqtida dunyoning eng zör öyinçisi bölgan, jahon çempioni, futboldan ham mardlarça çiqib ketgan Zidanning obrösi uning eng katta yutuği edi.

Biroq Zidan faqat futbolçilikdagi nomi bilan natija körsata olmasdi. Zizu davrida «Real»da hammasi yaxşi edi deyiş töğri emas. U muammolarni sezib, vaqtida ketdi deganlar ham topiladi. Zidan La Ligada «Barselona»dan 17 oçko ortda qolib ham Çempionlar Ligasini yutişi murabbiy mavjud bölgan resurslardan unumli foydalanganidan dalolat. Zidan özi uçun eng muhimi nima ekanini aniq belgilab olgandi. Şu sabab Ronalduga La Liga öyinlarida qörqmay dam beraverdi. Asosiy maqsad qilib Çempionlar Ligasini tanladi.

Albatta, bu gaplar Zidanning uçinçi mavsumi haqida. U «Real»dagi ilk mavsumida Çempionlar Ligasini yutiş bilan birga «Barselona»ga La Liga çempionlik poygasida yaxşigina qarşilik körsatdi (Yakunda «Barselona» 91, «Real» 90 oçko töplagandi). 2016/17 yilgi mavsumda esa Zidan ham YeÇLda, ham La Ligada ğolib böladi. Ötgan mavsum avvalidan «Real»da muammolar közga taşlana boşladi. Ketma-ket duranglar, «Betis», «Jirona» kabi jamoalarga qarşi mağlubiyatlar «Real»da muammolar borligini körsatib qöydi. Jamoa çempionatdagi ikki klasikoda ham mağlub böldi. La Ligani uçinçi örinda, «Barselona»dan 17 oçko kam töplagan holda yakunladi. Bularning barçasini esa bitta narsa yuvib ketdi: «Real» yana Çempionlar Ligasida ğolib böldi. Xuddi Zidan «Ölsak ölamiz, lekin Çempionlar Ligasini yutamiz» degandek. Undan keyingi murabbiylar esa kamçiliklarni körsatib qöyişdi. Axir hamma ham Zidan böla olmaydi-da!

Qisqasi, Zidan heç kimdan qörqmagan holda jamoaning kuçiga töğri baho bera olgandi. «Real» ötgan mavsumda ham köp yutqazgan bölişi mumkin, lekin asosiysi, qaçon yutqazmaslik kerak ekanini bila oldi. Masalan, «Barselona» Çempionlar Ligasida bir marta mağlub böldi. U ham bölsa «Roma»ga qarşi çorak finalning javob bahsida. Şu bitta mağlubiyat kataloniyaliklarning YeÇLni çorak finalda yakunlaşi uçun kifoya qildi. «Real» esa ötgan yilgi YeÇLda ikkita öyinda yengilgan bölsa-da, bu jamoaning musobaqada ğolib bölişiga xalaqit bermadi.

Zidan vaqtida ketdimi?

Zidan nega «Real»dan ketganining asl sababini murabbiyning bir neça yildan söng yozilgan avtibiografiyasida öqib qolarmiz. Hozirça esa faqat taxmin qilişimiz mumkin, xolos. Ular orasida jamoadagi muammolarni bilgani uçun ketdi degan tusmol ham yöq emas. Albatta, Zidan muammo boşlanadi deb qoçib qolmagan. Masalan, mavjud muammolarni tuzatiş uçun Peres bilan kelişa olmagan bölişi mumkin. Çunki, Peres ançadan buyon katta transferlarni amalga oşirmayapti. Zidan YeÇLni uçinçi marta yutgaç, keyingi mavsum La Ligada ham munosib qatnaşiş uçun 4-5 nafar futbolçining röyxatini Peresning oldiga taşlaganini ham taxmin qilsak böladi. Har holda Zidan ketişini kutilmaganda e'lon qildi. U aqlli inson bölgani sabab ketayotib barçasi joyida ekanini tuşuntirib ketdi. Qöpol qilib aytganda «klubning ustiga mağzava ağdarmadi». Biroq murabbiy yöq joydan ketganiga ham işoniş qiyin.

Xullas bizningça, «Real»da muammo ötgan mavsumdan boşlangan. Zidan va Ronalduning oldinma-ketin jamoani tark etişi, La Ligadagi pasayiş – bularning barçasi bejizga emasdi. Şunçaki, YeÇLdagi ğolibliklar «Real» muxlislarini sarmast qilib qöygan va ular içki muammolarga unçalik e'tibor berişmagandi. Çempionlar Ligasidagi «het-trik»ni bejizga Zidanning nomi bilan boğlaşmaydi, çunki uning ketişi bilan «Real» barçaning köz oldida orqaga qarab ketmoqda. Ötgan mavsum Zidanning avtoriteti, aqlli qarorlari va Ronalduning doim «vahşiy» formada bölgani «Real»dagi muammolarni öz soyasida qoldirib keldi. Biroq Solari, Lopetegi kabi «Real»dek buyuk jamoaga munosib bölmagan murabbiylar, klubning afsonaviy 7-raqamini zaxirada ötirib qolgan Diasga berib qöygan Peresning tuşunarsiz qarorlari (balki Peres qarib qolgandir) klubdagi muammolarni «suv yuzasiga çiqarib qöydi».

«Real» şunça yil çempion böldi, endi qulaş vaqti keldi degan gaplarga qöşilmagan bölardik. Çunki, «Real» «Lester» yoki «Lids» emaski bir mavsum porlab yöqolib qolsa. Bu dunyodagi eng köp muxlisi bor jamoa va muxlislar «Real»ning doim yaxşi holatda bölişini talab qilişadi. Şunday ekan, 2009 yilda «Real»ga qaytib, «Galaktikos»ni «uyğotgani» aytiladigan janob Peresning ham tez orada u xohlagan vaqtida almaştiradigan murabbiylari kabi kursisi qimirlab qolsa ajab emas...

Ötkir Jalolxonov