Qoraqalpog‘iston IIV tizimida yangi tayinlovlar bo‘ldi​

Qoraqalpog‘iston Respublikasi Ichki ishlar vazirligining markaziy apparatida va hududda rahbarlik lavozimlarida tayinlov yuz berdi.

Ma'lum qilinishicha, podpolkovnik Amanbay Orinbayev Qoraqalpog‘iston Respublikasi Ichki ishlar vazirining jamoat tartibini saqlash bo‘yicha o‘rinbosari lavozimiga tayinlangan.

Shuningdek, Qoraqalpog‘iston Respublikasi Nukus shahar ichki ishlar organlari faoliyatini muvofiqlashtirish boshqarmasi boshlig‘i lavozimiga podpolkovnik Xurshid Ochilov tayinlangan.

Eslatib o‘tamiz, ijtimoiy tarmoqdagi IIV tizimidagi o‘zgarishlar bo‘yicha IIV matbuot xizmati ma'lumot bergandi.

Unga ko‘ra, Po‘lat Bobojonov ayni vaqtda o‘z lavozimida faoliyatini davom ettirmoqda.