Venesuela AQSh ustidan BMT oliy komissariga shikoyat qilmoqchi

Foto: AFP

Venesuela aloqa va axborot vaziri Xorxe Rodrigesning xabar qilishicha, mamlakat BMTning inson huquqlari bo‘yicha oliy komissari Mishel Bacheletga o‘z energetika tizimiga amalga oshirilgan hujum bo‘yicha shikoyat bilan chiqadi. Bu haqda Noticiero Digital xabar bermoqda.

Vazirning so‘zlariga ko‘ra, Amerika tomoni elektr energiyasi ta'minotidagi uzilish haqida oldindan bilgan.

«Ular avtomatlashtirilgan nazorat qilish tizimiga kiberhujum amalga oshirishdi», - deya ma'lum qilgan Rodriges.

Uning qo‘shimcha qilishicha, yaqin vaqt ichida Bachelet Venesuelaga delegatsiya tarkibida keladi. Karakas unga o‘z nuqtai nazarini isbotlab beradigan dalillar taqdim etadi.

Eslatib o‘tamiz, avvalroq Guaydo vahima haqida ma'lum qilgani, Pompeo Maduroni ayblagani xabar berilgandi.

#AQSh #BMT #Venesuela

Venesuela prezident Nikolas Maduroga qarshi ommaviy norozilik namoyishlari girdobida qoldi. 23 yanvar kuni, ushbu namoyishlar avjiga chiqqan vaqtda Venesuela parlamenti rahbari Xuan Guaydo o‘zini mamlakatning muvaqqat prezidenti deb e’lon qildi