Hindistonda Pokistonga qarashli uchuvchisiz uchar qurilma urib tushirildi

Foto: IZVeSTIYa/Aleksey Mayshev

Hindiston xavfsizlik kuchlari Rajaston shtatida mamlakat havo sarhadiga kirib kelgan Pokistonga qarashli uchuvchisiz uchar qurilmani urib tushirdi. Bu haqda o‘z manbalariga tayanib Hindustan Times gazetasi xabar berdi.

Nashrning ma'lumot berishicha, hodisa Ganganagar okrugida sodir bo‘lgan. Nashr suhbatdoshlaridan birining aytishicha, bu Pokiston tomonidan uchinchi bor uchuvchisiz uchar qurilma jo‘natilishidir. Avvalroq Hindiston OAV 26 fevral va 4 mart kunlari harbiylar Pokiston dronlarini urib tushirganini xabar qilgandi.

Hindiston va Pokiston o‘rtasidagi keskinlik 14 fevralda Jammu va Kashmirda hind harbiylariga hujum qilinganidan so‘ng kuchayib ketdi. Ushbu hujum uchun javobgarlikni “Jaishi Muhammad” guruhi o‘z zimmasiga olgan.

Tayyorlagan: Дилшод Аскаров

#Hindiston #Pokiston #dron

14 fevral kuni Pokiston hududida o‘rnashgan «Jaysh-e-Muhammad» terrorchi guruhi Kashmirda Hindiston armiyasi harbiylari kolonnasi o‘tayotgan yo‘lda terakt sodir etishi natijasida 46 nafar hind harbiysi halok bo‘ldi. Bu voqea ortidan Pokiston va Hindiston munosabatlarida mojaro yana avj oldi.